Glawk-Leedah 4:7 - Pennsylvania Dutch Bible

⁷ Unsah evvahshti voahra may rein es da shnay; si voahra veisah es millich. Iahra leib voah may rohdlich es vi say-coral, un si voahra shay vi sapphire-shtay.

Glawk-Leedah 4:7 ပူးပေါင်းရင်းမြစ်များ

Hiob 28:16

See kann nett gekawft sei mitt em gold funn Ophir, adda mitt keshtlich onyx un sapphires.

Hiob 28:18

Coral un crystal is nett diveaht shvetza diveyya; veah veisheit grikt, hott may es keshtlichi pearls.

Psalm 144:12

Loss unsah yungi boova sei vi gvaxani blansa, un unsah yungi mayt vi shtay-poshta es kakt sinn fa en kaynich-haus.

Psalm 51:7

Mach mich sauvah mitt hyssop, un ich va rein, vesh mich, un ich va veisah es shnay.

2. Mosi 24:10

un si henn da Gott funn Israel ksenna. Unnich sei fees voah en ayvanah sapphire-shtay es so kliah voah es da himmel.

Hohches Leet 5:10

Mei beleebdah is shay un shteik, eah shtayt raus unnich zeyya dausend.

Hohches Leet 5:15

Sei bay sinn vi poshta funn marbel es uf kohva sinn mitt goldichi fees. Eah gukt shteik un shay vi di cedars funn Lebanon.

Daniel 1:15

Am end funn di zeyya dawk henn si bessah un shteikah gegukt es ennich's funn di yunga mennah es am kaynich sei ess-sach essa voahra.

Lukas 1:15

Fa eah zayld grohs sei fannich em Hah un eah soll kenn vei adda ennich ebbes shteikes drinka. Un eah zayld kfild sei mitt em Heilicha Geisht grawt funn sei muddahs-leib.

Richtah 13:5

Du zaylsht uf em family vayk vadda un en boo havva. Es soll kenn shayf-messah gyoost vadda uf seim kobb veil eah en Nazaraynah sei zayld, un zayld raus kshteld sei zu Gott fumm dawk es eah geboahra is. Eah zayld di eahvet ohfanga fa Israel frei macha funn di Philishtah.”

Richtah 13:7

Avvah eah hott ksawt zu miah, ‘Du zaylsht uf em family vayk vadda un zaylsht en boo havva. So nau drink kenn vei adda annah fameaht drinkes un ess nix es unrein is, veil da boo en Nazaraynah funn Gott sei zayld fumm dawk es eah geboahra is biss an sei doht.’”

Richtah 16:17

No hott eah iahra alles ksawt es in seim hatz voah, un hott ksawt, “Di hoah uf mei kobb voahra nee nett kshnidda veil ich en Nazaraynah zu Gott voah evvah siddah es ich geboahra voah. Vann mei kobb kshayft vadda dayt, dann dayt mei graft mich falossa un ich veah shvach vi ennichah anra mann.”

1. Samuel 16:12

So hott eah kshikt fa een un hott een rei gebrocht. Eah voah en ksundah yungah mann mitt shayni awwa un goot-gukkich. No hott da Hah ksawt, “Shtay uf un salb een; dess is da vann.”