Glawk-Leedah 3:38 - Pennsylvania Dutch Bible

³⁸ Is es nett aus em maul fumm Alli-Haychshta es goodi sacha un evili sacha blatz nemma?

Glawk-Leedah 3:38 ပူးပေါင်းရင်းမြစ်များ

2. Samuel 16:10

Avvah da Dawfit hott ksawt, “Diah boova funn di Zeruia, vass habb ich zu du mitt eich? Vann eah mich faflucht veil da Hah eem ksawt hott fa so du, veah kann sawwa, ‘Favass dusht du dess?’”

Hiob 2:10

Eah hott ksawt zu iahra, “Du shvetsht vi di dumma veibsleit shvetza. Sedda miah goodi sacha ohnemma funn Gott un nett shlechti?” Deich awl dess hott da Hiob nett ksindicht mitt sei leftz.

Psalm 75:7

Avvah's is Gott es richta dutt: Eah bringd aynah nunnah un haybt da annah uf.

Shpricha 29:26

Feel vella ohksenna sei bei en roolah, avvah en recht gericht kumd fumm Hah.

Breddichah 7:14

Vann di zeida goot sinn, seind fraylich, avvah vann si shlecht sinn, denk an dess: Gott hott ayns gmacht grawt vi eah's anra gmacht hott. Fasell, kann da mensh nett vissa vass kumd noch eem.

Jesoiya 45:7

Ich mach di helling un aw's dunkla, ich mach fridda un aw druvvel. Ich, da Hah, du awl dee sacha.

Jeremia 32:42

Dess is vass da Hah sawkt: ‘Grawt vi ich awl dess shreklich fadauves uf dee leit kumma glost habb, so zayl ich alles goodes uf si bringa vi ich eena fashprocha habb.

Amos 3:6

Doon leit sich nett feicha vann's greeks-hann blohst? Vann en shlechti sach blatz nemd in en shtatt, hott nett da Hah dess zu gebrocht?