Glawk-Leedah 1:8 - Pennsylvania Dutch Bible

⁸ Jerusalem hott veesht ksindicht, un so is unrein vadda. Selli es see eahshtah geaht henn, doon see nau nix zayla, veil si see nakkich ksenna henn. See selvaht yammaht, un drayt sich vekk.

Glawk-Leedah 1:8 ပူးပေါင်းရင်းမြစ်များ

1. Mosi 3:7

No voahra di awwa funn awl zvay funn eena uf gmacht, un si henn gvist es si nakkich voahra. No henn si feiya bleddah zammah kflochta un henn sich shatza gmacht.

1. Kaynicha 9:6

Avvah vann du adda dei boova vekk drayyet funn miah, un doond di gebodda un adninga es ich eich gevva habb nett halda, un doond anri gettah deena un ohbayda,

1. Kaynicha 9:7

dann zayl ich Israel abshneida fumm land es ich eena gevva habb. Un's haus es ich keilicht habb fa mei Nohma zayl ich vekk shtohsa funn mei awwa. Israel zayld no en kshvetz un en shpott sei unnich awl di leit.

1. Kaynicha 9:9

No sawwa si, ‘Veil si da Hah iahra Gott falossa henn, deah es iahra foah-feddah aus Egypta gebrocht hott, henn anri gettah ohgnumma, un henn si gedeend un ohgebayda. Sell is favass es da Hah awl dess eviles uf si gebrocht hott.’”

Jesoiya 47:3

Dei nakkichheit vatt ksenna un dei shohm abgedekt. Ich zayl auseeva un nimmand zayld mich shtobba.”

Jeremia 13:22

Un vann du dich selvaht frohksht, “Favass gayt's miah vi dess?” Es is veil du so feel sinda hosht es dei rokk abgrissa vatt un du fashohmd vasht.

Jeremia 13:26

Ich selvaht zeek dei rokk ruff ivvah dei ksicht, so es dei shohm ksenna sei kann.

Jeremia 15:4

Ich zayl si grausam macha zu awl di kaynich-reicha uf di eaht, fa sell es da Manasse, em Hiskia sei boo, gedu hott in Jerusalem vo eah kaynich funn Juda voah.

Jeremia 24:9

Ich mach si grausam un shreklich zu awl di kaynich-reicha uf di eaht. Vo-evvah es ich si ausnannah shtroi vadda si fashpott un faflucht. Si vadda en kshvetz un en shohm ivvahrawlich.

Jeremia 32:23

Si sinn kumma un henn's ivvah-gnumma, avvah si henn diah nett keicht, un sinn dei ksetz nett nohch ganga. Si henn nett gedu vass du si gebodda hosht. So hosht du awl dess evil uf si kumma glost.

Jeremia 34:17

So dess is vass da Hah nau sawkt: Diah hend miah nett keicht. Diah hend nett ksawt es eiyah broodah un eiyah nochbah frei sei sella, so nau shprech ich en freiheit aus zu eich, sawk da Hah. Ich mach eich frei fa falla unnich em shvatt, peshtelens un hungahs-noht. Ich mach eich grausam zu awl di kaynich-reicha uf di eaht.

Jeremia 4:31

Ich heah ebbah am greisha, vi en fraw am en kind havva, en geyammah vi ayni am iahra eahsht kind havva. Di Dochtah funn Zion is am greisha un hatt shnaufa, am iahra hend naus shtrekka un sawwa, “Vay zu miah, ich binn faddich, si zayla mich umbringa.”

Jeremia 6:28

Si sinn hatt-hatzich un shteibahrich, so hatt es bronze un eisa. Si shtroiya letzi kshvetzah, vi si unrein rumm heah gayn.

Glawk-Leedah 1:11

Awl iahra leit yammahra, diveil es si sucha fa broht. Si fahandla iahra keshtlich sach fa ess-sach, so es si levendich bleiva kenna. “Gukk moll, oh Hah, un denk drivvah, vi oahrich es ich fa'acht binn.

Glawk-Leedah 1:17

Zion shtrekt iahra hend naus, nimmand is datt fa see drayshta. Da Hah hott en gebott gevva veyyich em Jakob, es sei nochbahra sei feinda vadda sella; unnich eena is Jerusalem vadda vi en unsauvah ding.

Glawk-Leedah 2:10

Di eldishti funn di Dochtah Zion, hokka shtill uf em bodda. Si shmeisa shtawb uf iahra kebb un doon sekk-glaydah oh. Di yunga mayt funn Jerusalem henka iahra kebb nunnah geyyich da grund.

Glawk-Leedah 4:21

Froi dich un sei fraylich, oh Dochtah funn Edom, du es im land funn Uz voonsht. Avvah's kobli kumd aw rumm zu diah; du vasht ksoffa un zaylsht dich nakkich macha.

Ezekiel 23:29

Un veil si dich hassa, dann nemma si alles vekk es du kshaft hosht difoah. Si lossa dich nakkich un blutt, un da shohm funn dei huahrahrei vatt abgedekt. Dei lusht un huahrahrei

Ezekiel 23:46

“Dess is vass da Awlmechtich Hah sawkt: Ich zayl en grohsi drubb leit zammah bringa geyyich si, un si fagelshtahra un rawva.

Ezekiel 39:23

Un di heida zayla vissa es di Kinnah-Israel vekk kfiaht vadda sinn deich iahra sinda. Veil si ksindicht henn geyyich mich, dann habb ich mei ksicht fashtekkeld funn eena un habb si ivvah-gedrayt zu iahra feinda. Deich dess sinn si awl kfalla beim shvatt.

Hosea 2:10

So nau dekk ich see ab fannich di awwa funn iahra lusht-mennah; nimmand nemd see aus mei hand.

Hosea 2:3

Adda dann mach ich see nakkich, un mach see blutt vi uf em dawk es see geboahra voah; ich mach see vi en vildahnis; ich dray see in en drukka land, un loss see fadashta.

Di Offenbarung 3:18

Fasell, gevvich diah roht fa gold kawfa funn miah es greinicht is im feiyah, so es du reich vasht; un fa veisi glaydah kawfa funn miah fa dich glayda un da shohm funn dei nakkichheit zu dekka; un es du dei awwa shmiahsht mitt awwa-shmiah so es du sayna kansht.

1. Samuel 2:30

Fasell sawkt da Hah Gott funn Israel, ‘Ich habb fashprocha es dei haus-halding un dei faddah sei haus-halding fannich miah lawfa sella fa'immah.’ Avvah nau sawkt da Hah, ‘'Sis veit funn miah; selli es mich eahra, zayl ich eahra; avvah selli es mich fa'achta zayla fa'acht vadda.