Glawk-Leedah 1:7 - Pennsylvania Dutch Bible

⁷ In iahra dawwa funn dreebsawl un aylend, denkt Jerusalem an awl iahra keshtlich sach, es see katt hott in di alda dawwa. Vo iahra leit in di feinda-hend kfalla sinn, voah's nimmand fa iahra helfa. Iahra feinda henn an see gegukt, un henn see fashpott veil see nunnah gebrocht is vadda.

Glawk-Leedah 1:7 ပူးပေါင်းရင်းမြစ်များ

Hiob 29:2

“Oh, vann ich yusht veah vi ich voah in di fagangana moonada, in di dawwa vo Gott ivvah mich gvatsht hott;

Psalm 42:4

Diveil es ich mei hatz ausleah, denk ich an dee sacha: vi ich als mitt di leit ganga binn, un habb si an's haus funn Gott kfiaht, am singa mitt frayt un en dankboah hatz, unnich di leit es am da feiyah-dawk halda voahra.

Psalm 77:3

Ich denk an Gott, un binn bedreebt, ich denk's ivvah, un mei hatz vatt engshtlich. (Sela)

Psalm 79:4

Miah sinn en shpott gmacht zu unsah nochbahra; selli um uns rumm shpodda un lacha ivvah uns.

Jesoiya 64:10

Dei heilichi shtett sinn en vildahnis vadda, un so is Zion, Jerusalem is en leahrah blatz.

Jesoiya 64:11

Unsah heilichah un shaynah tempel, vo unsah foah-feddah dich glohbt henn, voah fabrend mitt feiyah; un alles es uns leeb voah leit fadauva uf en haufa.

Jeremia 37:7

“Dess is vass da Hah, da Gott funn Israel, sawkt: Gaynd zrikk un sawwet dess zumm kaynich funn Juda, deah es eich kshikt hott fa mich frohwa. ‘Em Pharao sei army es raus kumma is fa diah helfa, zayld viddah zrikk in's land Egypta gay.

Jeremia 48:27

Hosht du nett shpott gmacht ivvah Israel, es vann see kfanga gvest veah unnich deeb? Alli-mohl es du kshvetzt hosht veyyich iahra, hosht du dei kobb kshiddeld.

Glawk-Leedah 4:17

Miah henn ohkalda gukka fa hilf, biss unsah awwa nimmi sayna henn kenna. Miah henn ohkalda voahra un vatsha fa en folk es uns nett helfa hott kenna.

Ezekiel 25:3

Sawk zu eena, ‘Heichet's vatt fumm Awlmechticha Hah. Dess is vass da Awlmechtich Hah sawkt: Veil diah “Aha!” ksawt hend ivvah mei tempel vo eah unrein gmacht voah, un ivvah's land Israel vo's fadauva vadda is, un ivvah di leit funn Juda vo si vekk gnumma voahra,

Ezekiel 25:6

Fa dess is vass da Awlmechtich Hah sawkt: Veil diah eiyah hend zammah kshlauwa hend un eiyah fees kshtambt hend un fraylich voahret ivvah Israel mitt en hass in eiyah hatz,

Hosea 2:7

See gayt iahra lusht-mennah nohch, avvah see kann si nett fanga, see gukt fa si avvah find si nett. No sawkt see, ‘Ich gay zrikk zu meim eahshtah mann; ich voah bessah ab no es ich binn nau.’

Micha 4:11

Avvah nau sinn feel heida-leit fasammeld geyyich dich. Si sawwa, “Loss see unrein sei, vella uf Zion gukka mitt fagunsht.”

Lukas 15:17

Endlich vo eah moll zu sich selvaht kumma is, hott eah ksawt, ‘Vi feel funn meim daett sei gnechta henn ess-sach zu shpeahra, un do binn ich am fahungahra!

Lukas 16:25

Avvah da Abraham hott ksawt, ‘Mei sohn, denk droh es in dei layves-zeit hosht du awl di goodi sacha katt un da Lazarus awl di shlechta. Nau is eah gedraysht un du bisht am leida un deich macha.