Glawk-Leedah 1:11 - Pennsylvania Dutch Bible

¹¹ Awl iahra leit yammahra, diveil es si sucha fa broht. Si fahandla iahra keshtlich sach fa ess-sach, so es si levendich bleiva kenna. “Gukk moll, oh Hah, un denk drivvah, vi oahrich es ich fa'acht binn.

Glawk-Leedah 1:11 ပူးပေါင်းရင်းမြစ်များ

2. Kaynicha 6:25

Un's voah en grohsi hungahs-noht in Samaria. Si henn di shtatt so lang eikshpatt kalda, es en aysel-kobb fakawft hott fa achtzich shtikkah silvah, un en hand-foll dauva misht fa fimf shtikkah.

Hiob 40:4

“Ich binn's nett veaht, vi kann ich diah andvat gevva? Ich du mei hand ivvah mei maul.

Psalm 79:4

Miah sinn en shpott gmacht zu unsah nochbahra; selli um uns rumm shpodda un lacha ivvah uns.

Jeremia 15:19

Nau dess is vass da Hah sawkt: “Vann du dich zrikk draysht zu miah, dann nemm ich dich viddah zrikk, un du kansht viddah mei deenah sei; vann du sacha shvetsht es diveaht sinn, un nett sacha es nix veaht sinn, dann daufsht du viddah shvetza fa mich. Di leit zayla zu diah drayya, avvah du musht nett zu eena drayya.

Jeremia 19:9

Ich mach si's flaysh funn iahra kinnah essa, un si zayla aw nannah iahra flaysh essa vann si moll eikshpatt vadda in iahra shtett bei iahra feinda es si doht macha vella.’

Jeremia 38:9

“Mei hah un kaynich, dee mennah henn en ungettlich ding gedu zumm brofayt Jeremia. Si henn een in en sistahn kshmissa. Eah zayld fahungahra datt veil kenn broht may in di shtatt is.”

Jeremia 52:6

Bei em neinda dawk fumm fiahda moonet voah di hungahs-noht so grohs in di shtatt es goah kenn ess-sach may datt voah fa di leit zu essa.

Glawk-Leedah 1:8

Jerusalem hott veesht ksindicht, un so is unrein vadda. Selli es see eahshtah geaht henn, doon see nau nix zayla, veil si see nakkich ksenna henn. See selvaht yammaht, un drayt sich vekk.

Glawk-Leedah 1:9

Iahra unreinichkeit hott an da sohm funn iahra rokk kanka, avvah see hott sich nix bekimmaht veyyich vo dess anna fiaht. Iahra fall voah shreklich, un's voah nimmand fa see drayshta. “Oh Hah, gukk an mei aylend, da feind hott ivvah-gnumma.”

Glawk-Leedah 2:11

Mei awwa sinn zu kshvulla funn heila, mei sayl is oahrich gedruvveld. Mei hatz is ausgleaht in dreebsawl, ivvah's fadeahvung funn mei leit, un veil di kinnah un boblen shvach un hungahrich sinn in di shtrohsa funn di shtatt.

Glawk-Leedah 2:12

Si sawwa zu iahra muddahra, “Vo is broht un vei?” Si falla nunnah vi ohkshossani mennah, in di shtrohsa funn di shtatt, vi iahra layva aus eena gayt, in di eahm funn iahra muddahra.

Glawk-Leedah 2:20

Gukk moll, oh Hah, un denk drivvah, veah hosht du selayva kshtrohft vi dess? Sedda di veibsleit iahra kinnah essa, di kinnah es si acht gevva henn druff? Sett da preeshtah un da brofayt doht gmacht sei im tempel fumm Hah?

Glawk-Leedah 5:1

Denk an uns, oh Hah, denk vass es gevva hott zu uns; gukk un sayn unsah shohm.