Galater 6:4 - Pennsylvania Dutch Bible

⁴ Avvah loss alli-ebbah sei aykni eahvet unnah-sucha. No kann eah sich froiya in sei aykni eahvet un nett in ebbah shunsht sei eahvet.

Galater 6:4 ပူးပေါင်းရင်းမြစ်များ

Hiob 13:15

Even vann eah mich doht macht, doch doon ich mei hofning in een, un zayl mei vayk fa'andvadda fannich sei ksicht.

Psalm 26:2

Gukk mich ivvah, oh Hah, un broviah mich aus, broviah mei hatz un mei meind aus.

Shpricha 14:14

Di gottlohsa vadda zrikk betzawld fa iahra vayya, avvah en goodah mann zayld zufridda sei mitt seini.

Lukas 18:11

Da Pharisayah hott sich anna kshteld un hott gebayda mitt sich selvaht vi dess, ‘Ich dank dich, Gott, es ich nett binn vi anri leit, en rawvah, ungerecht, en aybrechah, adda even vi deah tax-einemmah.

1. Korinther 11:28

Avvah loss en mensh sich innahlich unnah-sucha, un no loss een essa funn demm broht un drinka funn demm kobli.

1. Korinther 3:14

Vann ennich ebbahm sei eahvet uf haybt vass eah datt druff gebaut hott, dann grikt eah en lohn.

1. Korinther 3:8

Deah vo blanst un deah vo's vessaht is gleicha, un yaydah funn eena grikt sei lohn fa sei aykni eahvet.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

2. Korinther 13:5

Gukket moll in eich selvaht fa sayna eb diah im glawva sind. Broviahret eich selvaht aus. Visset diah nett es Christus in eich is—sell is, vann diah uf messet zu di test?

Galater 6:13

Fa even selli vo sich beshneida lossa doon's Ksetz nett halda, avvah si vella havva es diah eich beshneida losset so es si braekka kenna veyyich eiyahm flaysh.

Philipper 1:26

So hend diah feel uahsach fa froh sei in Christus Jesus veil ich viddah zu eich kumm.