Galater 4:16 - Pennsylvania Dutch Bible

¹⁶ Binn ich dann nau eiyah feind vadda veil ich eich di voahheit sawk?

Galater 4:16 ပူးပေါင်းရင်းမြစ်များ

1. Kaynicha 21:20

No hott da Ahab ksawt zumm Elia, “So du hosht mich kfunna, mei feind.” “Ich habb dich kfunna,” hott da Elia ksawt, “veil du dich fakawft hosht fa evil du im Hah sei awwa.

1. Kaynicha 22:27

Sawwet eena, ‘Dess is vass da kaynich sawkt: Doond deah mann in's kfengnis, un gevvet eem nix es broht un vassah biss ich viddah zrikk kumm in fridda.’”

1. Kaynicha 22:8

Da kaynich funn Israel hott ksawt zumm Josaphat, “Es is alsnoch ay mann, da Micha, em Imla sei boo. Miah kenna da Hah frohwa deich een. Avvah ich hass een, veil eah nee nix goodes broffetzeit veyyich miah, avvah immah shlechtes.” Avvah da Josaphat hott ksawt, “Da kaynich sett sell nett sawwa.”

2. Chronik 25:16

Vo eah noch am shvetza voah, hott da kaynich ksawt zu eem, “Henn miah dich kfrohkt fa roht gevva zumm kaynich? Shtobb! Favass setsht du doht gmacht sei?” No hott da brofayt kshtobt, avvah eah hott ksawt, “Ich vays es Gott's im sinn hott fa dich folshtendlich fadauva veil du dess gedu hosht, un veil du mei roht nett abkeicht hosht.”

Psalm 141:5

Loss en gerechtah mann mich freindlich shlauwa, un mich recht setza veil eah's goot maynd. Loss een mich zanka; es is vi ayl uf mei kobb leahra, un mei kobb soll sich nett veahra digeyya. Doch ich bayt di gans zeit geyyich di ungerechta iahra verka.

Shpricha 9:8

Du nett en shpoddah recht setza adda eah hast dich, avvah setz en mann mitt veisheit recht, un eah leebt dich.

Amos 5:10

Diah hasset sellah es eich shtrohft in di richts-bletz, un aw sellah es di voahret sawkt.

Johannes 7:7

Di veld kann eich nett hassa, avvah di veld hast mich veil ich zeiknis gebb es vass see dutt is evil.

Johannes 8:45

Avvah, veil ich eich di voahret sawk, doond diah nett glawva vass ich sawk.

Galater 2:14

Vo ich ksenna habb es si nett ufrichtich voahra veyyich di voahheit fumm Effangaylium, habb ich ksawt zumm Petrus fannich eena awl, “Vann du, vo en Yutt bisht—vann du laybsht vi di Heida un nett vi di Yudda, favass vitt du di Heida macha layva vi di Yudda?”

Galater 2:5

Zu eena henn miah nett eigevva even fa ay shtund, so es di voahheit fumm Effangaylium bei eich bleiva dutt.

Galater 4:15

Vass hott's gevva mitt eiyah frayt es diah ksaykend voahret mitt? Ich kann zeiya fa eich, vann's meeklich gvest veah, heddet diah eiyah aykni awwa raus grissa un miah si gevva.

Galater 4:17

Si sucha eich eahnshtlich raus, avvah nett fa ebbes goodes. Si vella eich abshneida funn miah so es diah eena eahnshtlich nohch gay daydet.

Galater 5:7

Diah voahret am so goot du. Veah hott eich fashvetzt un eich kalda funn di voahheit du?