Ezra 7:26 - Pennsylvania Dutch Bible

²⁶ Alli-ebbah es es ksetz funn deim Gott un's ksetz fumm kaynich nett hald soll kshtrohft vadda bei doht gmacht vadda, aus em land gyawkt vadda, sei sach gnumma vadda, adda eikshtekt vadda.”

Ezra 7:26 ပူးပေါင်းရင်းမြစ်များ

2. Chronik 30:12

Un di hand funn Gott voah uf Juda fa eena en aynich hatz gevva, fa du vi da kaynich un di evvahshti gebodda katt henn, un's vatt fumm Hah nohch gay.

Ezra 10:4

Shtay uf, dee sach is in dei hend. Miah shtayn bei diah, so sei gedrohsht un du's.”

Ezra 10:8

Un ennich ebbah es nett bei kumd in drei dawk, so vi di evvahshti un eldishti ausgevva henn, faliaht sei land un vatt nimmi eignumma es ayns funn selli es vekk gedrawwa voahra.

Ezra 6:11

Un noch veidah mach ich dess gebott: ‘Vann ennich ebbah dee vadda fa'ennaht soll en balka aus seim haus gnumma sei un eah soll deich kshtocha sei mitt. Un sei haus soll zammah grissa sei uf en haufa.’

Ezra 6:12

Loss da Gott es sei Nohma datt voona glost hott, ennichah kaynich adda ennichi leit umbringa es iahra hend uf hayva fa dee vadda fa'ennahra, adda fa deah tempel in Jerusalem fadauva. Ich, da Darius, habb dess gebott gevva, un ich vill's ausgedrawwa havva mitt fleis.”

Psalm 52:5

Avvah Gott zayld dich nunnah brecha fa'immah: Eah zayld dich uf nemma un dich vekk reisa funn deim tent; eah nemd dei vatzla aus em land funn di levendicha. (Sela)

Daniel 6:26

Ich mach dess gebott es di leit ivvahrawlich in meim kaynich-reich da Gott fumm Daniel firchta un eahra sella. Eah is da levendich Gott, un zayld nee nett shteahva. Sei Kaynich-Reich gayt nee nett unnah, un sei Kaynich-Macht hott kenn end.

5. Mosi 27:26

“Faflucht is ennich ebbah es nett awl di vadda funn demm ksetz heicht un ausdrawkt.” No sella awl di leit sawwa, “Amen!”