Ezra 2:1 - Pennsylvania Dutch Bible

¹ Nau dess sinn di leit es als funn di landshaft Juda gvest voahra es zrikk ruff kumma sinn funn selli es kfanga voahra, un es da Nebukadnezar, da kaynich funn Babylon, vekk kfiaht katt hott zu Babylon. Si sinn zrikk zu Jerusalem un Juda kumma, yaydahs zu sei aykni shtatt.

Ezra 2:1 ပူးပေါင်းရင်းမြစ်များ

2. Kaynicha 25:11

Da hauptmann Nebusaradan hott di ivvahricha leit funn di shtatt vekk gedrawwa. Mitt eena voahra selli es sich ivvah-gedrayt katt henn zumm kaynich funn Babylon, un feel anri.

1. Chronik 9:1

So voah gans Israel gezayld in di kshlecht-regishtah, un's is ufkshrivva im buch funn di kaynicha funn Israel. Di leit funn Juda voahra vekk gnumma zu Babylon veil si unglawvich voahra.

1. Chronik 9:2

Nau di eahshta es zrikk kumma sinn, un in iahra aykni lendah un shtett nei gezowwa sinn, voahra Israeliddah, preeshtah, Lefiddah un tempel-gnechta.

Ezra 1:11

Alles zammah voahra's fimf dausend un fiah hunnaht shtikkah sach es gmacht voahra funn gold un silvah. Da Sheshbazzar hott dee awl mitt gebrocht vo di kfangana ruff kumma sinn funn Babylon zu Jerusalem.

Ezra 2:2

Si sinn kumma mitt em Serubabel, em Jesua, em Nehemia, em Seraia, em Reelaja, em Mordecai, em Bilshan, em Mispar, em Bigvai, em Rehum un em Baana. Dess sinn di nambahs funn di mennah funn di leit funn Israel:

Ezra 2:70

Di preeshtah, di Lefiddah, di singah, di doah-heedah, di tempel-gnechta un samm funn di anra leit sinn no in iahra aykni shtett gezowwa, un di ivvahricha Israeliddah sinn in iahra shtett gezowwa.

Ezra 5:8

Da kaynich sett vissa es miah in's gaygend funn Juda ganga sinn vo da tempel fumm grohsa Gott is. Di leit sinn am da tempel bauwa mitt grohsi shtay un blanka in di vanda. Si sinn am hatt shaffa un's gebei is am shteik uf gay.

Ezra 6:2

Si henn no en shreives kfunna im kaynich-haus in di shtatt Ekbatana im land Media. Dess is vass druff kshrivva voah: “Zeiknis-Shreives:

Ezra 8:35

No henn di kfangana es zrikk kumma sinn brand-opfahra gopfaht zumm Gott funn Israel: 12 bulla fa gans Israel, 96 shohf-bekk, 77 lemmah, 12 gays-bekk fa en sind-opfah—awl dee voahra en brand-opfah zumm Hah.

Nehemia 12:1

Dess voahra di preeshtah un Lefiddah es zrikk kumma sinn mitt em Sealthiel sei boo, da Serubabel, un mitt em Jesua: da Seraia, da Jeremia, da Ezra,

Esther 1:1

Es hott blatz gnumma in di dawwa fumm Ahasveros, deah es kaynich voah funn India biss an Ethiopia ivvah en hunnaht un sivvana zvansich lendah.

Esther 1:11

Eah hott eena ksawt fa di Kaynich-Fraw Vashti rei bringa am iahra kaynich-krohn veahra. Eah hott vella havva es di leit un di evvahshti sayna kenna vi shay es see is, veil see oahrich shay voah.

Esther 1:3

Im dridda yoah funn sei kaynich-reich hott eah en grohs essa gmacht fa sei feddahshti un sei evvahshti gnechta. Di greeks-hauptmennah funn Persia un Media, un di roolahs un evvahshti funn awl sei lendah voahra datt.

Esther 1:8

Bei em kaynich sei gebott hott yaydah vann drinka kenna vi eah hott vella. Da kaynich hott sei gnechta es acht gevva henn uf da vei ksawt fa da vei ausdayla vi alli-ebbah's havva vill.

Esther 8:9

Em kaynich sei shreivah voahra bei groofa uf em drei un zvansishta dawk fumm dridda moonet, da moonet funn Sivan, un si henn em Mordecai sei gebodda nunnah kshrivva zu di Yudda un zu di roolahs un govvenahs un di evvahshti funn awl di lendah funn India zu Ethiopia, en hunnaht un sivvana zvansich lendah. Dee gebodda voahra nunnah kshrivva in di shprohcha un's shreives funn yaydah leit, un aw zu di Yudda in iahra shprohch un shreives.

Jesoiya 48:20

Falosset Babylon, shpringet funn di Chaldayah! Greishet dess naus mitt frayt un losset's vissa. Shikket's vatt naus zu's end funn di eaht, un sawwet, “Da Hah hott sei gnecht da Jakob frei-kshteld.”

Jeremia 50:19

Avvah ich zayl Israel zrikk zu iahra ayya vayt-feld bringa, so es si vayt fressa kenna uf Karmel un Basan; si vadda satt uf di hivla funn Ephraim un Gilead.

Glawk-Leedah 1:3

Juda is kfanga un in deefi dreebsawl, see muss di ausahra shveah deena. See voond unnich di heida, un find kenn roo. Iahra fafolyah henn see kfanga, es is kenn vayk fa vekk.

Glawk-Leedah 1:5

Selli geyyich see sinn nau ivvah see, 's gayt goot mitt iahra feinda. Da Hah hott dreebsawl uf see gebrocht, deich iahra feel sinda. Iahra kinnah sinn kfanga un vekk gnumma, kohva bei iahra feinda.

Glawk-Leedah 4:22

Di shtrohf fa dei sinda zayld enda, oh Dochtah funn Zion, un du zaylsht nee nimmi vekk kfiaht vadda. Avvah du Dochtah funn Edom, eah zayld dei sinda shtrohfa, un dei ungerechtichkeit abdekka.

Zephania 2:7

Es zayld zu di ivvahricha fumm Haus funn Juda heahra; datt zayla si vayt finna. Ohvets zayla si sich anna layya in di heisah funn Askalon. Da Hah zayld acht gevva uf si, un zayld si viddah frei macha.

Di Apostelgeschichte 23:34

Vo da govvenah da breef glaysa hott, hott eah da Paulus kfrohkt aus vass fa land es eah is. Vo eah auskfunna hott es eah funn Cilicia is,