Ezra 1:7 - Pennsylvania Dutch Bible

⁷ Da Kaynich Cyrus hott no awl's sach raus gebrocht es in's haus fumm Hah keaht hott. Dess voah's sach es da Nebukadnezar vekk gedrawwa katt hott funn Jerusalem un hott's in da tempel funn seim gott gedu.

Ezra 1:7 ပူးပေါင်းရင်းမြစ်များ

2. Kaynicha 24:13

un hott awl's keshtlich sach im tempel fumm Hah un im kaynich-haus vekk gedrawwa. Eah hott awl di goldicha shisla in shtikkah kshnidda es da Kaynich Solomon funn Israel gmacht katt hott, grawt vi da Hah ksawt katt hott.

2. Chronik 36:10

Am end fumm yoah hott da Kaynich Nebukadnezar kshikt fa een un hott een zu Babylon gebrocht, un hott aw keshtlich sach aus em tempel fumm Hah mitt gebrocht. Eah hott no em Joiachin sei broodah, da Zedekia, kaynich gmacht ivvah Juda un Jerusalem.

2. Chronik 36:18

Eah hott awl's ksha im tempel funn Gott gnumma, grohs adda glay, un aw awl's keshtlich sach im Hah sei tempel, un's sach es zumm kaynich un di evvahshti keaht hott. No hott eah's awl zu Babylon gnumma.

2. Chronik 36:7

Da Nebukadnezar hott aw sach aus em tempel fumm Hah gnumma, hott's noch Babylon gnumma un hott's in sei tempel gedu datt.

Ezra 5:14

Eah hott aw di gold un silvah ksharra aus em tempel in Babylon gnumma es da Nebukadnezar aus em tempel in Jerusalem gnumma katt hott, un si in da tempel in Babylon gedu katt hott. Dess ksha voah eahshtah im haus funn Gott in Jerusalem. Da Kaynich Cyrus hott si no zu en mann gevva es Sheshbazar kaysa hott un es eah govvenah gmacht katt hott.

Ezra 6:5

Un di gold un silvah ksharra funn Gott sei haus es da Nebukadnezar aus em tempel gnumma katt hott in Jerusalem un an Babylon gebrocht katt hott, sella zrikk in iahra bletz gedu sei im tempel in Jerusalem. Si sella in's haus funn Gott gedu sei.’”

Jeremia 51:44

Ich zayl Babylon iahra gott Bel shtrohfa; ich mach een raus shpautza vass eah kshlukt hott. Di heida zayla nimmi lengah zu eem lawfa; di mavvahra funn Babylon sinn nunnah kfalla.

Daniel 1:2

Un da Hah hott da Joiakim, da kaynich funn Juda, ivvah-gevva in di hand fumm Nebukadnezar, un aw samm fumm ksha funn Gott sei tempel. Eah hott dess ksha in's land Sinear gebrocht, hott's in da tempel funn sei gott gebrocht un hott's in di geld-shtubb gedu.

Daniel 5:23

In blatz funn sell hosht du dich ufkokt geyyich da Hah fumm himmel. Du hosht's ksha funn seim tempel do zu diah bringa glost, un du un dei evvahshti, eiyah veivah un dei nayva-veivah henn vei raus gedrunka. Diah hend di gettah funn silvah, gold, bronze, eisa, hols un shtay gepreist, dee es nett sayna, heahra adda fashtay kenna. Du hosht Gott nett di eah gevvah, deah es dei layva un dei vayya in sei hand haybt.