Ezekiel 5:4 - Pennsylvania Dutch Bible

⁴ No nemm samm funn selli hoah, shmeis si in's feiyah un brenn si uf. Sell feiyah zayld no ausnannah brenna funn datt ivvah's gans haus funn Israel.

Ezekiel 5:4 ပူးပေါင်းရင်းမြစ်များ

2. Kaynicha 25:25

Avvah im sivvada moonet, is da Ismael, em Nethania sei boo, es em Elisama sei boo voah, un es funn di kaynichlich nohch-kummashaft voah, zumm Gedalia ganga mitt zeyya anri mennah. Si henn da Gedalia kshlauwa un een doht gmacht. Si henn aw di mennah funn Juda un funn Babylon doht gmacht es bei em Gedalia voahra an Mizpa.

Jeremia 4:4

Beshneidet eich fannich em Hah, beshneidet eiyah hatza, diah mennah funn Juda un diah leit funn Jerusalem, adda mei zann gayt naus un brend vi en feiyah veil diah so evili sacha gedu hend. Es feiyah zayld brenna un nimmand kann's aus macha.”

Jeremia 48:45

“Selli es am difunn gay sinn shtayn im shadda funn Hesbon unni graft. Fa en feiyah is naus ganga funn Hesbon, en flamm aus di mitt funn Sihon, un's brend di shtann fumm Moab, da kobb funn selli yachticha es greek gleicha.

Jeremia 52:30

In seim drei un zvansisht yoah hott da Nebusaradan, da hauptmann fumm kaynich sei aykni heedah, 745 Yudda gnumma. Alles zammah voahra's 4,600 leit.

Ezekiel 5:3

Nemm edlichi hoah un binn si in dei rokk.

Ezekiel 5:5

Dess is vass da Awlmechtich Hah sawkt: Dess is Jerusalem. Ich habb see in di mitt funn di heida ksetzt, mitt anri lendah gans um see rumm.