Esther 3:8 - Pennsylvania Dutch Bible

⁸ No hott da Haman zumm Kaynich Ahasveros ksawt, “Es hott en satt leit es sich vekk halda funn anri, un es gans ivvah dei kaynich-reich kshtroit sinn. Iahra ksetz is nett's saym es sell funn awl di anra leit, un si doon's nett fa em kaynich sei ksetza halda. Da kaynich veah bessah ab vann eah nett uf du dayt mitt eena.

Esther 3:8 ပူးပေါင်းရင်းမြစ်များ

Ezra 4:6

Am ohfang fumm Ahasveros sei reich henn si en ohglawk kshrivva zu eem geyyich di leit funn Juda un Jerusalem.

Nehemia 1:8

Denk an's vatt es du gebodda hosht zu deim gnecht da Mosi un ksawt hosht, ‘Vann diah eich fasindichet un nett shtandhaftich sind, dann shtroi ich eich ausnannah unnich di heida,

Esther 3:9

Vann's em kaynich kfald, loss en gebott ufkshrivva sei es si awl doht gmacht sei sella. Ich du drei hunnaht un fimf un sivvatzich tons silvah im kaynich sei geld-shtubb fa di mennah es dess ausdrawwa sella.”

Esther 4:1

Vo da Mordecai keaht hott vass gedu voah hott eah sei glaydah farissa, hott sekk-glaydah ohgedu un hott esh uf sei kobb gedu. No is eah naus in di shtatt ganga un hott laut un biddahlich keild.

Jeremia 33:24

“Hosht du nett acht katt es di leit am sawwa sinn es da Hah di zvay kshlechtah vekk kshtohsa hott es eah raus groofa katt hott? Fasell fa'achta si mei leit un nemma si nimmi es en folk.

Jeremia 50:17

Israel is vi en auskshtroidi drubb, es di layb ausnannah gyawkt henn. Seahsht hott da kaynich funn Assyria si kfressa, un nau's letsht hott da Kaynich Nebukadnezar funn Babylon iahra gnocha getshawt.

Ezekiel 11:16

So sawk dess, ‘Dess is vass da Awlmechtich Hah sawkt: Even vann ich si veit vekk kshikt habb unnich di heida un si fashtroit habb unnich di lendah, doch voah ich bei eena so es si mich deena henn kenna, diveil es si in di lendah voahra.’

Ezekiel 6:8

Avvah ich zayl edlichi funn eich ivvahrich lossa, selli es es shvatt nett greeya vann diah fashtroit vaddet unnich di lendah un di heida.

Daniel 3:8

An selli zeit sinn samm Chaldayah ruff kumma un henn ohkfanga shvetza geyyich di Yudda.

Daniel 6:13

No henn si ksawt zumm kaynich, “Da Daniel, ayns funn di kfangana funn Juda, acht dich nett, oh kaynich, un aw nett's gebott es du kshrivva hosht. Eah bayt alsnoch drei mohls dawk.”

Daniel 6:14

Vo da kaynich sell keaht hott, voah eah oahrich bedreebt. Eah hott eahnshtlich ksucht fa en vayk fa da Daniel frei halda, un eah hott sich droh kalda biss sunn-unnah.

3. Mosi 26:33

Ich zayl eich ausnannah shtroiya unnich di heida un zeek mei shvatt raus un kumm eich nohch. Eiyah land zayld veesht gmacht sei un eiyah shtett nunnah grissa sei.

Sacharia 7:14

‘Ich habb si funn-nannah kshtroit mitt en vind-veahvel unnich awl di heida, selli es si nett gekend henn. Es land es si falossa henn is faveesht vadda, so es nimmand zrikk un faddi gay hott kenna. So henn si's leeblich land veesht un leah gmacht.’”

4. Mosi 23:9

Funn di hohcha felsa sayn ich si, funn di hivla gukk ich si ivvah. Ich sayn en leit es laynich voona, un henn kenn dayl mitt di heida.

Johannes 7:35

Di Yudda henn no ksawt zu nannah, “Vo zayld eah hee gay es miah een nett finna kenna? Zayld eah naus gay mitt di Yudda es unnich di Greeyisha leit voona un di Greeyisha lanna?

Di Apostelgeschichte 24:5

Miah henn auskfunna es deah do Paulus nix dutt es druvvel macha unnich di Yudda, gans ivvah di veld. Deah blohwich mann is en foah-gengah funn di Nazaraynah sect.

Di Apostelgeschichte 28:22

Avvah miah vella heahra vass du denksht veyyich dee sect. Miah vissa es ivvahrawlich leit shvetza digeyya.”

5. Mosi 30:3

No zayld da Hah eiyah Gott bamhatzich sei zu eich, un zayld eich viddah zammah geddahra funn unnich awl di heida es eah eich ausnannah gedrivva hott.

5. Mosi 32:26

Ich hett ksawt, ‘Ich zayl si gans ausnannah shtroiya, so es nimmand may an si denkt.’

5. Mosi 4:27

Da Hah zayld eich ausnannah shtroiya unnich anri leit, un's zayla yusht vennich funn eich ivvahrich sei unnich di heida vo da Hah eich anna yawkt.

Jakobus 1:1

Jakobus, en gnecht funn Gott un fumm Hah Jesus Christus, zu di zvelf shtamma vo ivvahrawlich rumm kshtroit sinn. Ich grees eich.

1. Petrus 1:1

Petrus, en aposhtel funn Jesus Christus, zu selli fremdi in di veld, vo raus groofa un ausnannah kshtroit sinn in di lendah funn Pontus, Galatia, Kappadocia, Asia, un Bithynia,