Epheser 6:5 - Pennsylvania Dutch Bible

⁵ Diah gnechta, heichet selli vo ivvah eich sinn im nadiahlicha. Achtet si hohch mitt furcht un mitt ayfeldichkeit im hatz es vi zu Christus.

Epheser 6:5 ပူးပေါင်းရင်းမြစ်များ

1. Mosi 16:9

No hott da engel ksawt zu iahra, “Gay zrikk zu selli es dich aykend un gebb dich unnich see, un du vass see sawkt.”

1. Chronik 29:17

Ich vays, oh mei Gott, es du's hatz ausbroviahsht un froh bisht vann du's ufrichtich findsht. Ich habb awl dee sacha frei-villich gevva mitt en ufrichtich hatz. Nau habb ich ksenna mitt frayt vi frei-villich es dei leit do gevva henn zu diah.

Psalm 123:2

Gukket moll, vi di gnechta iahra awwa an di hand gukka funn iahra meishtah, un vi di mawt an di hand gukt funn iahra fraw, so gukka unsah awwa zumm Hah unsah Gott, biss eah gnaydich is zu uns.

Psalm 86:11

Lann mich dei vayk, oh Hah, so es ich in dei voahheit lawfa kann. Mach mei hatz aynich, so es ich dei nohma firchta du.

Maleachi 1:6

“En sohn gebt seim faddah eah, un en gnecht eaht sei meishtah. Vann ich en faddah binn, dann vo is mei eah? Vann ich en meishtah binn, veah feicht sich veyyich miah?” sawkt da Awlmechtich Hah. “Es is eich, diah preeshtah, es mei nohma fa'achta. Avvah diah sawwet, ‘Vi henn miah dei nohma fa'acht?’

Matthäus 6:22

Es licht fumm leib is es awk. Vann dei awk ksund is, is dei gans leib foll licht.

Matthäus 6:24

Nimmand kann zvay meishtah deena. Endveddah dutt eah da aynd hassa un da annah leeva, adda dutt eah demm aynda nohch gay un da annah fa'achta. Du kansht nett Gott un nadiahlichi sacha deena.”

Matthäus 8:9

Ich binn en mann unnich ivvah-saynah, un habb greeks-gnechta unnich miah. Vann ich sawk zu demm mann, ‘Gay hee,’ no gayt eah; un zumm anrah, ‘Kumm heah,’ no kumd eah; un zu mei gnecht, ‘Du dess,’ no dutt eah's.”

Di Apostelgeschichte 2:46

Si voahra awl gleicha psunna un sinn alli dawk an da tempel ganga. Si henn broht gebrocha in di heisah un henn iahra ess-sach gnumma mitt fraylichi un dankboahri hatza.

Römer 9:3

Fa ich kend mich vinsha fa faflucht sei un abkshnidda sei funn Christus fa mei breedah, dee vo mei aykni leit sinn noch em flaysh,

1. Korinther 2:3

Un ich voah bei eich in shvachheit un in angsht un mitt feel ziddahres.

1. Korinther 7:22

En gnecht es groofa is bei em Hah, is frei gmacht bei em Hah un heaht zu eem. Grawt so aw, deah vo frei voah vo eah groofa is vadda, is Christus sei gnecht.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

2. Korinther 7:15

Un sei leevi fa eich is even graysah vann eah zrikk denkt vi diah eem keicht hend, un vi diah een eignumma hend mitt furcht un ziddahra.

Epheser 5:22

Veivah, gevvet eich unnich eiyah mennah vi zumm Hah,

Epheser 6:24

Gnawt sei zu awl selli vo leevi henn fa unsah Hah Jesus Christus mitt en ayvichi leevi. Amen.

Philipper 2:12

So, mei beleebdi breedah, grawt vi diah immah keicht hend, so doond nau aw, nett yusht vann ich datt binn, avvah feel may vann ich nett datt binn, shaffet eiyah saylichkeit aus mitt angsht un ziddahra.

Philemon 1:16

nett nau es en gnecht, avvah feel may es en gnecht, vi en leeblichah broodah. Dess is eah zu miah, so vi feel may is eah zu diah, im flaysh un aw im Hah?

Joshua 24:14

Nau feichet eich veyyich em Hah un deenet een in voahheit un shtandhaft. Shmeiset vekk di abgettah es eiyah foah-feddah gedeend henn uf di annah seit fumm Revvah un in Egypta, un deenet da Hah.

1. Petrus 3:2

vann si sayna vi eahlich un sauvah es diah lawfet in furcht.