Epheser 6:17 - Pennsylvania Dutch Bible

¹⁷ Un nemmet saylichkeit oh es eiyah greeks-hoot, un's shvatt fumm Geisht vass Gottes Vatt is.

Epheser 6:17 ပူးပေါင်းရင်းမြစ်များ

2. Samuel 22:36

Du gebsht miah da shield funn dei saylichkeit, dei hilf macht mich grohs ohksenna sei.

Jesoiya 49:2

Eah hott mei maul gmacht vi en shauf shvatt; eah hott mich fashtekkeld im shadda funn sei hand. Eah hott mich in en shaufah arrow gmacht, un hott mich fashtekkeld in sei arrow-sakk.

Jesoiya 59:17

Eah hott gerechtichkeit ohgedu vi en brusht-playt, un hott en greeks-hoot funn saylichkeit uf sei kobb. Eah hott auseeves ohgedu vi glaydah, un sei zann vi en ivvah-rokk.

Hosea 6:5

Fasell habb ich eich fahakt mitt mei brofayda, ich habb eich umgebrocht mitt di vadda funn mei maul; mei gericht is uf eich kumma vi licht.

Sacharia 4:6

So hott eah ksawt zu miah, “Dess is em Hah sei vatt zumm Serubabel: ‘Nett deich macht adda deich graft, avvah deich mei Geisht,’ sawkt da Awlmechtich Hah.

Matthäus 4:4

Avvah Jesus hott ksawt zu eem, “Es shtayt kshrivva, ‘En mensh soll nett layva mitt yusht broht, avvah mitt alli vatt es aus em maul funn Gott kumd.’”

Matthäus 4:7

Jesus hott ksawt zu eem, “Es shtayt aw kshrivva, ‘Du solsht da Hah dei Gott nett ausbroviahra.’”

Epheser 5:26

Dess voah so es eah see heilich un rein macha kann bei see vesha mitt vassah deich's Vatt,

1. Thessalonicher 5:8

Avvah siddah es miah zumm dawk heahra, vella miah sohbah bleiva. Doond's brusht-playt fumm glawva un leevi oh, un fa en greeks-hoot, di hofning funn di saylichkeit.

Hebräer 4:12

Fa's Vatt funn Gott is levendich un greftich, un shaufah es ennich zvay-shneidich shvatt. Es shneit gans deich un fadayld di sayl un da geisht, un di gveahva un's gnocha fett. Un's is en richtah funn di gedanka un's falanga fumm hatz.

Hebräer 6:5

un vo's goot Vatt Gottes un di graft funn di neksht veld fasucht katt henn,

Di Offenbarung 1:16

Eah hott sivva shtanna in sei rechtsi hand katt un aus seim maul is en shauf zvay-shneidich shvatt kumma. Sei ksicht voah vi di sunn am folshtendich sheina.

Di Offenbarung 12:11

Si sinn een ivvah-kumma deich's bloot fumm Lamm, un deich's vatt funn iahra zeiknis, un si henn iahra layva nett gleebt even biss an da doht.

Di Offenbarung 19:15

Aus seim maul kumd en shauf shvatt, un mitt demm shvatt hakt eah di leit in alli lendah nunnah. Eah zayld si roola mitt en root funn eisa, un eah drett di vei-press funn em heslicha zann fumm Awlmechticha Gott.

Di Offenbarung 2:16

Dray rumm un du boos, adda ich kumm kshvind un fecht geyyich si mitt em shvatt funn meim maul.

1. Samuel 17:5

Eah hott en greeks-hoot uf em kobb katt es gmacht voah funn bronze. Eah hott en greeks-vammes gvoahra, gmacht aus bronze, es en hunnaht un fimf un zvansich pund gvohwa hott.

1. Samuel 17:58

Da Saul hott ksawt, “Vemm sei boo bisht du, yungah mann?” Da Dawfit hott ksawt, “Ich binn deim gnecht da Jesse funn Bethlehem sei boo.”