Epheser 4:28 - Pennsylvania Dutch Bible

²⁸ Loss deah vo kshtohla hott nimmi shtayla, avvah loss een shaffa mitt sei aykni hend un sell du vass goot is, so es eah ebbes hott zu gevva zu selli in di noht.

Epheser 4:28 ပူးပေါင်းရင်းမြစ်များ

Hiob 34:32

Lann mich vass ich nett sayna kann; vann ich letz gedu habb, dann zayl ich's nimmi du.’

2. Mosi 20:15

Du solsht nett shtayla.

2. Mosi 20:17

Du solsht nett lushta fa dei nochbah sei haus. Du solsht nett lushta fa dei nochbah sei fraw, adda gnecht, adda mawt, adda ox, adda aysel adda ennich ebbes es zu deim nochbah heaht.”

2. Mosi 21:16

Un vann ebbah en anra mann shtayld, un eah fakawft een, adda da mann is noch bei em deeb vann eah kfanga vatt, dann soll eah doht gmacht sei.

Shpricha 13:11

Reichheit es letz grikt voah, vatt vennichah un vennichah, avvah ebbah es geddaht bei shaffa macht's vaxa.

Shpricha 14:23

Selli es hatt shaffa greeya ebbes gedu, avvah selli es yusht shvetza diveyya vadda oahm.

Shpricha 21:26

Da gans dawk lang dayt eah gleicha may havva, avvah da gerecht gebt un haybt nix zrikk.

Shpricha 28:13

Veah sei sinda fashtekkeld hald, zayld nett goot du, veah si avvah bekend un falost, find bamhatzichkeit.

Shpricha 30:9

Vann ich may habb, mecht ich dich falaykla un sawwa, ‘Veah is da Hah?’ Adda vann ich oahm binn, mecht ich shtayla, un da nohma funn mei Gott fashohma.

Shpricha 31:20

See macht iahra eahm uf zu di oahma, un langd iahra hend naus zu selli in noht.

Jeremia 7:9

Zaylet diah shtayla un maddahrei dreiva, aybrecha un falsh shveahra, opfahra macha zumm Baal un fremdi gettah nohch gay es diah nett kennet,

Hosea 4:2

Avvah fluches, leeyes, maddahrei, shtayles un aybreches hott ivvah-hand gnumma. Un bloot-fageeses kumd ayns noch em anra.

Sacharia 5:3

No hott eah ksawt, “Sell is da fluch es am naus gay is ivvah's gans land. Uf di aynd seit sawkt's es alli deeb zayld aus em land gedrivva sei, un uf di annah seit sawkt's es alli-ebbah es en falsh zeiknis gebt vatt naus gedrivva.

Lukas 19:8

Da Zachaeus is ufkshtanna un hott ksawt zumm Hah, “Gukk moll, Hah, dihelft funn vass ich habb, gevvich zu di oahma, un vann ich ennich ebbes uneahlich gnumma habb funn ebbahm, gevvich eem fiah mohl so feel zrikk.”

Lukas 3:8

Bringet frucht es veist es diah boos doond, un sawwet nett, ‘Da Abraham is unsah faddah,’ fa ich sawk eich, Gott kann kinnah zumm Abraham macha aus dee shtay.

Johannes 12:6

Avvah da Judas hott dess nett ksawt veil eah ebbes um di oahma gevva hott, avvah veil eah en deeb voah, un siddah es eah da geld-sakk kalda hott, hott eah als geld raus gnumma.

Johannes 13:29

Dayl henn gmaynd veil da Judas da geld-sakk gedrawwa hott, veah eah am eem sawwa, “Gay un kawf vass miah braucha fa's Ohshtah-Fesht,” adda eah hott fleicht ebbes gevva sella zu di oahma.

Römer 12:13

Seiyet fa di glawvicha es noht henn, machet eiyah heisah geahn uf zu fremdi.

1. Korinther 4:12

Miah shaffa hatt mitt unsah aykni hend. Vann miah fasholda vadda, doon miah saykna; vann miah fafolkt vadda, nemma miah's oh mitt geduld.

2. Korinther 8:12

Fa vann ebbah villing is fa gevva, dann vatt's ohgnumma un gmessa bei vass eah hott, un nett bei vass eah nett hott.

2. Korinther 8:2

Si voahra hatt broviaht bei di dreebsawl es si deich gmacht henn, avvah iahra frayt voah so grohs es si reichlich gevva henn even vann si oahrich oahm voahra.

Galater 6:10

So, vi miah gleyyaheit henn, losset uns goot du zu awl mensha, un ennichah zu selli vo breedah im glawva sinn mitt uns.

1. Timotheus 6:18

Si sella goot du, un reich sei in goodi verka. Si sella nett geitzich sei, avvah geahn gevva un mitt helfa.

Titus 3:14

Un loss unsah leit lanna fa goodi verka du un helfa vo's nohtvendich is, so es si nett unfruchtboah sinn.

Titus 3:8

Dess is gevislich voah. Un ich vill havva es du anri dess veiklich lansht, so es selli vo an Gott geglawbt henn shuah macha sella es si goodi verka doon. Dee sacha sinn goot un helfa awl mensha.