Di Offenbarung 7:7 - Pennsylvania Dutch Bible

⁷ zvelf dausend aus em kshlecht fumm Simeon, zvelf dausend aus em kshlecht fumm Levi, zvelf dausend aus em kshlecht fumm Isachar,

Di Offenbarung 7:7 ပူးပေါင်းရင်းမြစ်များ

1. Mosi 29:34

See is viddah uf em family vayk vadda, hott noch en boo grikt un hott ksawt, “Nau fahaftich zayld mei mann sich zu miah gevva, siddah es ich eem drei boova gevva habb.” So hott see een Levi kaysa.

1. Mosi 30:18

No hott di Lea ksawt, “Gott hott miah mei lohn gevva veil ich mei mawt zu meim mann gevva habb.” No hott see een Isachar kaysa.

1. Mosi 35:23

Di Lea iahra eldshtah boo voah da Ruben. No voah's da Simeon, da Levi, da Juda, da Isachar un da Sebulon.

1. Mosi 49:11

Eah bind sei hutsh an da drauva-shtokk, un sei aysel hutsh an da besht shtokk. Eah vesht sei glaydah in vei, un sei ivvah-rokk im bloot funn drauva.

1. Mosi 49:5

Da Simeon un da Levi sinn breedah; iahra shvadda sinn greeks-ksha fa shawda du.

2. Mosi 6:16

Dess sinn di nayma funn di kinnah fumm Levi un iahra nohch-kummashaft: da Gerson, da Kahath un da Merari. Da Levi hott'n hunnaht un drei un sivvatzich yoah glaybt.

4. Mosi 1:22

Di nohch-kummashaft fumm Simeon: Awl di mennah funn zvansich yoah on nuff es fechta henn kenna im greek voahra gezayld un nunnah kshrivva bei nohma, kobb bei kobb, noch iahra shtamm un families.

4. Mosi 25:14

Da nohma fumm Israeliddah es doht gmacht voah mitt di Midianiddish fraw voah Simri, em Salu sei boo. Eah voah da feddahsht funn en Simeoniddah family.

4. Mosi 26:14

Sell voahra di kshlechtah fumm Simeon, un's voahra 22,200 mennah unnich eena.

Joshua 19:1

Es zvett lohs es gezowwa voah is uf em Simeon sei nohch-kummashaft kfalla. Yaydah family drubb hott samm land grikt. Iahra land voah in di mitt fumm land es gevva gvest voah zu di shtamm fumm Juda.

Joshua 19:17

Es fiaht lohs is uf em Isachar sei nohch-kummashaft kfalla. Yaydah family drubb hott samm land grikt.

Di Offenbarung 7:6

zvelf dausend aus em kshlecht fumm Asser, zvelf dausend aus em kshlecht fumm Naphthali, zvelf dausend aus em kshlecht fumm Manasse,

Di Offenbarung 7:8

zvelf dausend aus em kshlecht fumm Sebulon, zvelf dausend aus em kshlecht fumm Joseph, un zvelf dausend aus em kshlecht fumm Benjamin.

Richtah 1:3

No henn di mennah funn Juda ksawt zu iahra breedah, di mennah fumm Simeon, “Kummet ruff un helfet uns fechta geyyich di Kanaaniddah fa unsah dayl fumm land es fadayld voah zu uns. No gayn miah mitt eich in's land es fadayld voah zu eich.” Di mennah fumm Simeon sinn no mitt eena ganga.