Di Offenbarung 3:19 - Pennsylvania Dutch Bible

¹⁹ Selli es ich leeb habb doon ich zanka un shtrohfa. So sei fleisich, dray rumm un du boos.

Di Offenbarung 3:19 ပူးပေါင်းရင်းမြစ်များ

2. Samuel 7:14

Ich zayl sei faddah sei un eah zayld mei sohn sei. Vann eah letz dutt, shtrohf ich een mitt di root funn mensha un mitt di shlayk funn mensha.

Hiob 5:17

Da mann es gezankt is bei Gott is ksaykend, so fa'acht nett da shtrohf fumm Awlmechticha.

Psalm 39:11

Du zanksht un shtrohfsht mensha fa iahra sinda, du fazeahsht vass keshtlich is zu eena vi en shawb. Yaydah mensh is goah nix, yusht so vi en ohften. (Sela)

Psalm 6:1

Oh Hah, zank mich nett in deim zann; shtrohf mich nett vann du bays bisht.

Psalm 69:9

Di leevi fa dei haus hott mich innahlich fazeaht, un di evila kshvetzah veyyich diah sinn nau uf mich kfalla.

Psalm 94:10

Dutt sellah es di heida shtrohft nett shtrohfa, sellah es mensha veisheit land?

Shpricha 15:10

Sellah es da vayk falost, vatt oahrich kshtrohft; sellah es hast recht ksetzt sei, kumd um.

Shpricha 15:32

Veah sich nix sawwa lost dutt sich selvaht vay, avvah veah roht ohnemd grikt lanning.

Shpricha 22:15

Dumheida sinn im hatz funn kinnah, avvah da shlayk-shtekka dreibt's aus eena.

Jesoiya 26:16

Hah, dei leit sinn zu diah kumma in iahra dreebsawl; an di zeit es du si kshtrohft hosht henn si yusht so ball pishbahra kenna.

Jeremia 10:24

Shtrohf mich, Hah, avvah yusht vass recht is, nett in deim zann, adda sell veah's end funn miah.

Jeremia 2:30

“Mei shtrohf uf eiyah kinnah voah fa nix; si henn's nett ohgnumma. Eiyah shvatt hott eiyah brofayda ufkfressa vi en rawsichah layb.

Jeremia 30:11

Ich binn mitt diah un mach dich frei,’ sawkt da Hah. ‘Ich mach en end funn awl selli lendah vo ich eich ausnannah kshtroit habb drinn, avvah ich mach kenn folshtendich end funn eich. Ich shtrohf eich mitt vass recht is, avvah ich loss eich nett unkshtrohft gay.’

Jeremia 31:18

Ich habb da Ephraim keaht yammahra, un sawwa, ‘Du hosht mich kshtrohft vi en ungland hamli, un ich binn nau kshtrohft. Bring mich zrikk, ich vill zu diah kumma, veil du mei Hah un mei Gott bisht.

Jeremia 7:28

Fasell, sawk zu eena, ‘Dess is es folk es di shtimm fumm Hah iahra Gott nett keicht hott, un es sei shtrohf nett ohgnumma hott. Di voahheit is kshtauva, un is nimmi uf iahra leftz.

Zephania 3:2

See heicht nimmand ab, un nemd kenn roht fa bessah du. See dutt iahra fadrauwes nett in da Hah, un gayt nett nayksht zu iahra Gott.

Matthäus 25:7

No sinn awl di mayt uf kshtanna un henn iahra lichtah getrimd.

Johannes 2:17

Sei yingah voahra no droh gegmohnd es es kshrivva is: “Mei grohsah eahnsht fa dei haus frest mich uf.”

Römer 12:11

Seind nett aldvannish in vass diah doond, seind fleisich im geisht un deenet da Hah.

1. Korinther 11:32

Avvah vann miah gricht vadda, no vadda miah kshtrohft bei em Hah, so es miah nett fadamd vadda mitt di veld.

2. Korinther 6:9

vi dee unbekanda un doch goot bekandi, vi dee vo shtauva, un doch am layva, kshtrohft, un doch nett doht gmacht,

2. Korinther 7:11

Fa gukket moll vass fa eahnsht es dee gettlich dreebsawl auskshaft hott in eich, vi eahnshtlich es diah voahret fa eich unshuldich macha, vi ufgriaht, vass fa'n furcht, vass fa'n falanga, vass fa'n bekimmahnis, vass fa'n shtrohf! In awl dingah hend diah eich unshuldich gmacht in dee sach.

Galater 4:18

Es is goot fa immah eahnshtlich sei vann's ivvah en goot ding is, un nett yusht vann ich datt bei eich binn.

5. Mosi 8:5

Visset dann in eiyah hatz es da Hah eiyah Gott eich recht setzt un shtrohft, grawt vi en mann sei boo land un shtrohft.

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

Di Offenbarung 2:5

Denk droh funn vo es du kfalla bisht. Dray dich rumm un du di verka es du gedu hosht am ohfang. Dray dich un du boos, adda ich kumm kshvind un nemm dei licht-shtaend aus seim blatz.