Di Offenbarung 3:18 - Pennsylvania Dutch Bible

¹⁸ Fasell, gevvich diah roht fa gold kawfa funn miah es greinicht is im feiyah, so es du reich vasht; un fa veisi glaydah kawfa funn miah fa dich glayda un da shohm funn dei nakkichheit zu dekka; un es du dei awwa shmiahsht mitt awwa-shmiah so es du sayna kansht.

Di Offenbarung 3:18 ပူးပေါင်းရင်းမြစ်များ

Psalm 107:11

veil si geyyich di vadda funn Gott kshaft henn, un henn's roht fumm Alli-Haychshta nunnah gedrayt.

Psalm 16:7

Ich lohb da Hah es miah roht gebt, even deich di nacht dutt mei hatz mich lanna.

Psalm 32:8

Ich lann dich un veis diah da vayk es du gay solsht; ich gebb diah roht, un vatsh ivvah dich.

Psalm 73:24

Du fiahsht mich mitt deim roht, un shpaydah nemsht mich oh mitt hallichkeit.

Shpricha 1:25

Diah hend awl mei roht fa'acht, un hend mei shtrohf nett havva vella.

Shpricha 1:30

Si henn mei roht nett ohgnumma, un henn mich nett glost si recht setza,

Shpricha 19:20

Heich ab zu goodah roht un nemm di lanning oh, so es du veisheit griksht fa shpaydah naus.

Shpricha 23:23

Kawf di voahheit un du see nett fakawfa, grikk veisheit, lanning un eisicht.

Breddichah 8:2

Doond vass da kaynich sawkt veil diah Gott fashprocha hend.

Jesoiya 47:3

Dei nakkichheit vatt ksenna un dei shohm abgedekt. Ich zayl auseeva un nimmand zayld mich shtobba.”

Jesoiya 55:1

“Kummet, awl diah es dashtich sind, kummet zumm vassah; un diah es kenn geld hend, kummet, kawfet un esset! Kummet, kawfet vei un millich, unni geld un es nix kosht.

Jeremia 13:26

Ich selvaht zeek dei rokk ruff ivvah dei ksicht, so es dei shohm ksenna sei kann.

Daniel 12:2

Un feel funn selli es im shtawb fumm grund shlohfa vadda vakkah, samm zu ayvich layva, un samm zu ayvichah shohm un shanda.

Micha 1:11

Gaynd on in eiyah vayk, diah leit funn Shaphir, in eiyah shand un nakkichheit. Di leit funn Zaenan feicha sich raus kumma. Vann du di leit funn Beth-Haezel heahsht heila, dann vaysht es si eich nimmi helfa kenna.

Nahum 3:5

“Ich binn geyyich dich,” sawkt da Awlmechtich Hah. “Ich zayl dei rokk uf hayva ivvah dei ksicht. Ich veis di heida dei nakkichheit, un di kaynich-reicha dei shohm.

Maleachi 3:3

Eah zayld hokka un sei vi aynah es silvah shmelst un rein macht. Eah zayld di Lefiddah reinicha vi ma gold un silvah reinicht, so es si opfahra zumm Hah bringa kenna in gerechtichkeit.

Matthäus 13:44

“Es Himmel-Reich is vi geld es fashtekkeld voah imma feld un en mann kfunna hott un hott's zu gedekt. No in seinra grohsi frayt gayt eah un fakawft alles es eah hott un kawft sell feld.

Matthäus 25:9

Avvah di foah-sichticha henn ksawt, ‘Nay, es mecht nett genunk sei fa uns un eich. Gaynd zu selli es ayl fakawfa un kawfet samm fa eich selvaht.’

Lukas 12:21

So is es fa deah vo feel nadiahlichi sacha uf laykt fa sich selvaht un is nett reich in Gott.”

2. Korinther 5:3

so es vann miah's moll oh henn, zayla miah nett nakkich kfunna sei.

2. Korinther 8:9

Diah visset di gnawt funn unsahm Hah Jesus Christus. Diveil es eah reich voah is eah oahm vadda fa eich, un deich dess es eah oahm vadda is, hott eah eich reich gmacht.

1. Timotheus 6:18

Si sella goot du, un reich sei in goodi verka. Si sella nett geitzich sei, avvah geahn gevva un mitt helfa.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

1. Petrus 1:7

Dee sacha kumma so es eiyah glawva—vo may veaht is es gold vass fagayt, un vass broviaht vatt deich feiyah—shtandhaftich kfunna sei kann zumm lohb, hallichkeit un eah, vann Jesus Christus moll kumd,

Di Offenbarung 16:15

Gukk moll, ich kumm vi en deeb. Ksaykend is sellah vo vatsht un gebt acht uf sei glaydah, so es eah nett nakkich is un es leit sei shohm sayna kenna.

Di Offenbarung 19:8

Un's voah iahra gevva fa sich ohdu mitt fei linnen duch es rein un sauvah is.” (Fei un keshtlich linnen duch is di gerechtichkeit funn dee vo saylich sinn.)

Di Offenbarung 2:9

Ich vays vass du dusht, dei dreebsawl un dei oahmoot, (avvah du bisht reich). Ich vays di evila kshvetzah funn dee vo sawwa si sinn Yudda un sinn nett, avvah si heahra zumm Satan sei gmay.

Di Offenbarung 3:17

Du sawksht, “Ich binn reich un habb goot gedu un brauch nix.” Avvah du vaysht nett es du aylendich, yammahlich, oahm, blind un nakkich bisht.

Di Offenbarung 4:4

Um deah kaynich-shtool rumm voahra fiah un zvansich anri shteel. Uf dee shteel voahra fiah un zvansich eldishti kokt in veisi glaydah, un si henn goldichi krohna uf iahra kebb katt.

Di Offenbarung 7:13

No hott ayns funn di eldishti andvat gevva un hott mich kfrohkt, “Veah sinn dee vo geglayt sinn in veisi glaydah un funn vo kumma si?”