Di Offenbarung 2:7 - Pennsylvania Dutch Bible

⁷ Deah vo en oah hott, loss een heahra vass da Geisht sawkt zu di gmayna. Deah vo aushaybt un alles ivvah-kumd, zu eem gebb ich zu essa fumm bohm funn layva es in di mitt fumm Paradees funn Gott shtayt.’

Di Offenbarung 2:7 ပူးပေါင်းရင်းမြစ်များ

1. Mosi 2:9

Aus em grund hott Gott da Hah alli sadda baym vaxa glost es shay voahra fa ohgukka un goot fa essa. Da layves-bohm in di mitt fumm goahra, un da bohm funn di eisicht funn goot un evil voahra aw datt.

Shpricha 11:30

Di frucht funn di gerechta is en bohm funn layva, un veah mensha sayla sammeld, hott veisheit.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Shpricha 15:4

En zung es hayld, is vi en bohm funn layva, avvah en fafiahrichi zung macht da geisht moot faliahra.

Shpricha 3:18

Di veisheit is en layves-bohm zu selli es see ohnemma, un ksaykend sinn selli es zu iahra henka.

Ezekiel 28:13

Du voahsht in Eden, im goahra funn Gott; alli sadda deiyahri shtay hosht du gvoahra: ruby, topaz un diamond, beryl, onyx un jasper, sapphire, turquoise un beryl. Dee shtay voahra in gold ksetzt fa dich, si voahra gmacht uf da dawk es du kshaffa voahsht.

Ezekiel 31:8

Di cedar-baym im goahra funn Gott voahra nett so grohs, di pine-baym iahra nesht voahra nett so lang, un di keshta-baym iahra nesht voahra nett so dikk. Kenn bohm im goahra funn Gott voah so shay.

Matthäus 11:15

Deah vo oahra hott fa heahra, loss een heahra.

Matthäus 13:43

No doon di gerechta sheina vi di sunn im Kaynich-Reich funn iahrem Faddah. Deah vo oahra hott, loss een heahra.”

Matthäus 13:9

Veah oahra hott fa heahra, loss een heahra.

Markus 4:9

Un Jesus hott ksawt, “Deah vo oahra hott, loss een heahra.”

Markus 7:15

Nix nadiahliches es in en mensh nei gayt kann een unrein macha, avvah's is vass aus em mensh raus kumd vass een unrein macht.

Markus 7:16

Vann ebbah oahra hott fa heahra, loss een heahra.”

Lukas 23:43

Un Jesus hott ksawt, “Voahlich ich sawk diah, heit zaylsht du bei miah in Paradees sei.”

Lukas 8:8

Un samm is uf goodah bodda kfalla, is gvaxa un hott en hunnaht mohl so feel gevva.” Vi eah dess ksawt hott, hott eah laut ksawt, “Deah vo oahra hott fa heahra, loss een heahra.”

Johannes 16:33

Ich habb eich dee sacha ksawt so es diah fridda havva sellet deich mich. In di veld zaylet diah dreebsawl havva, avvah froiyet eich, ich binn di veld ivvah-kumma.”

1. Korinther 2:10

Dess hott Gott bekand gmacht zu uns deich sei Geisht. Fa da Geisht sucht alli sacha aus, yau, aw di deefa sacha funn Gott.

2. Korinther 12:4

nuff gezowwa voah in Paradees un hott sacha keaht es en mann nett sawwa dauf.

1. Johannes 2:13

Ich shreib zu eich, feddah, veil diah deah kennet vo fumm ohfang is. Ich shreib zu eich, yungi mennah, veil diah sellah ivvah-kumma sind vo evil is. Ich habb kshrivva zu eich, kinnah, veil diah da Faddah gekend henn.

Di Offenbarung 13:9

Vann ennich ebbah en oah hott, loss een heahra.

Di Offenbarung 14:13

No habb ich en shtimm fumm Himmel keaht sawwa zu miah, “Shreib, ‘Ksaykend sinn di dohda, dee vo shtauva im Hah funn nau on.’” “Yau,” sawkt da Geisht, “Si zayla roowa funn iahra eahvet, un iahra verka kumma eena nohch.”

Di Offenbarung 15:2

Ich habb ksenna vass gegukt hott vi en say funn glaws gmixt mitt feiyah, un selli vo's diah ivvah-kumma sinn, un aw ivvah sei abgott-gleichnis, sei meik un's nambah funn sei nohma. Si henn am say kshtanna mitt harfa funn Gott in iahra hend.

Di Offenbarung 2:11

Deah vo en oah hott, loss een heahra vass da Geisht sawkt zu di gmayna. Deah vo aushaybt un ivvah-kumd soll nett vay gedu sei bei em zvedda doht.’

Di Offenbarung 2:17

Deah vo en oah hott, loss een heahra vass da Geisht sawkt zu di gmayna. Zu demm vo aushaybt un alles ivvah-kumd gevvich fumm fashtekkelda manna, un ich gebb eem en veisah shtay, mitt en neiyah nohma druff kshrivva. Un nimmand vayst sellah nohma vi yusht sellah vo en grikt.’

Di Offenbarung 21:7

Deah vo alles ivvah-kumd zayld alli sacha eahva. Ich zayl sei Gott sei, un eah zayld mei sohn sei.

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.

Di Offenbarung 22:17

Da Geisht un's hochtzich-maydel sawwa, “Kumm.” Un loss deah vo heaht, sawwa, “Kumm.” Un loss deah vo dashtich is kumma. Un ennich ebbah es vill, loss een's vassah funn layva nemma unni's betzawla.

Di Offenbarung 22:2

un is deich di mitt funn di shtrohs funn di shtatt gloffa. Uf yaydah seit fumm revvah hott da bohm funn layva kshtanna. Eah gebt zvelf sadda frucht, un gebt's alli moonet. Un di bleddah fumm bohm voahra fa di leit funn alli lendah hayla.