Di Offenbarung 18:3 - Pennsylvania Dutch Bible

³ Di leit in alli lendah henn gedrunka fumm vei funn iahra zann un huahrahrei. Di kaynicha funn di eaht henn huahrahrei gedrivva mitt iahra, un di kawf-leit funn di eaht sinn reich vadda funn iahra grohsah vohlusht.”

Di Offenbarung 18:3 ပူးပေါင်းရင်းမြစ်များ

Jesoiya 47:15

Sell is alles es si du kenna fa dich, selli es du zu du katt hosht mitt, un kshaft hosht mitt funn yungem uf. Yaydahs funn eena gayt sei ayknah, letzah vayk, un kens funn eena kann dich frei macha.”

Jeremia 51:34

“Da Kaynich Nebukadnezar funn Babylon hott uns kfressa, un uns in di shtatt funn Jerusalem umgebrocht, eah hott uns ausgleaht vi en leahrah tsheah. Eah hott uns kshlukt vi en shlang, un hott sei mawwa kfild mitt unsah besht sach, no hott eah's ivvahricha raus kshpautzt.”

Jeremia 51:7

Babylon voah en goldich kobli im Hah sei hand, see hott di gans eaht ksoffa gmacht. Di heida henn iahra vei gedrunka un fasell sinn si aus em kobb ganga.

Glawk-Leedah 4:5

Selli es als fei ess-sach gessa henn, sinn nau am fahungahra in di shtrohsa. Selli es als geglayt voahra in purpel, leiya nau uf di esh-heifa.

Nahum 3:4

Di huah Nineveh is am kshtrohft vadda, di shay huah es zaubahrei gedrivva hott, un hott anri lendah gebunna mitt iahra huahrahrei, un anri leit gnechta gmacht mitt iahra zaubahrei.

Lukas 7:25

Vass sind diah ganga fa sayna? En mann es feini glaydah oh hott? Yusht dee vo in kaynich-heisah voona veahra feini glaydah un layva reichlich.

1. Timotheus 5:11

Avvah nemmet kenn yingahri vitt-veivah ei fa hilf. Iahra falanga fa en mann kann si dreiva biss si iahra beroof zu Christus nimmi hohch achta un vella viddah heiyahra.

Di Offenbarung 14:8

Un noch en engel, da zvett, is nohch kumma un hott ksawt, “See is kfalla, see is kfalla, Babylon, di grohs shtatt is kfalla; see is dee vo di leit in alli lendah gmacht hott da vei funn iahra huahrahrei drinka.”

Di Offenbarung 17:2

Mitt iahra henn di kaynicha funn di eaht huahrahrei gedrivva un dee vo uf di eaht layva voahra ksoffa gmacht bei em vei funn iahra huahrahrei.”

Di Offenbarung 18:19

Si henn shtawb uf iahra kebb kshmissa diveil es si am veina un heila voahra un henn ksawt, “Vay, vay zu di grohs shtatt, in dee vo awl di leit mitt shiffah reich vadda sinn deich iahra feel sach. In ay shtund is see zu nix gebrocht vadda.

Di Offenbarung 18:23

Di helling funn en licht soll nee nimmi sheina in diah, un di shtimm fumm hochtzich-mann un en hochtzich-maydel vatt nimmi keaht in diah; fa dei kawf-leit voahra di grohsa leit funn di eaht. Di leit in alli lendah voahra fafiaht deich dei hexahrei.

Di Offenbarung 18:7

Gevvet iahra so feel shmatza un druvvel zrikk es see sich selvaht hallichkeit un lushtheit gevva katt hott. In iahra hatz braekt see, ‘Ich binn en kaynich-fraw; ich binn kenn vitt-fraw un zayl nee nett dreebsawl sayna.’

Di Offenbarung 18:9

Di kaynicha funn di eaht vo huahrahrei gedrivva henn mitt iahra un en dayl katt henn in iahra lushtboah layva, zayla da shmohk sayna funn iahra am ufbrenna. No doon si veina un heila ivvah see.