Di Offenbarung 16:2 - Pennsylvania Dutch Bible

² Da eahsht engel is no ganga un hott sei shissel ausgleaht uf di eaht. Un veeshti, vayyi kshveahra sinn ausgebrocha uf di leit vo da meik fumm diah katt henn, un vo sei abgott-gleichnis ohgebayda henn.

Di Offenbarung 16:2 ပူးပေါင်းရင်းမြစ်များ

2. Chronik 21:15

Du selvaht zaylsht grank vadda mitt en granket es ohhald in dei deahm. Dess gayt on biss dei deahm raus kumma.’”

2. Chronik 21:18

Nohch awl demm, hott da Hah da Joram kshlauwa mitt en granket in sei deahm es nett kayld sei hott kenna.

Psalm 78:26

Eah hott da east vind gmacht blohsa fumm himmel, un deich sei macht hott eah da saut vind kfiaht.

Jesoiya 3:17

Fasell zayld da Hah grinda uf di veibsleit funn Zion iahra kebb bringa, un da Hah macht iahra kebb blutt.”

Jesoiya 3:24

In blatz funn goot-shmakkich ayl zayld's en veeshtah kshmakk sei; in blatz funn en duch-belt zayld's en shtrikk sei, in blatz funn shayni hoah zayld's en bluddah kobb sei, in blatz funn feini glaydah zayld's sekk-glaydah sei, in blatz funn shayheit zayld's shohm sei.

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.

5. Mosi 28:27

Da Hah zayld eich shlauwa mitt di Egyptishi kshveahra, mitt kshvullani pokka un grinda un beisichi haut es nett kayld sei kann.

5. Mosi 28:35

Da Hah shlakt eiyah bay un gnee mitt shmatzichi kshveahra es nett kayld sei kenna; dee gayn funn di sohl funn eiyah fees biss nuff uf da kobb.

5. Mosi 7:15

Da Hah zayld eich halda funn grank vadda; eah zayld kens funn di veeshta grankeda uf eich kumma lossa es diah katt hend in Egypta, avvah eah lost si uf awl selli kumma es eich hassa.

Di Offenbarung 13:12

Dess diah yoost awl di macht fumm eahshta leshtah-diah fannich eem, un eah macht di eaht un selli vo drinn layva's eahsht leshtah-diah ohbayda, dess vo zumm dohda vay gedu voah un viddah kayld voah.

Di Offenbarung 14:16

Un deah vo uf di volk kokt hott, hott sei sichel ivvah di eaht kshvunga, un di eahn funn di eaht voah rei gebrocht.

Di Offenbarung 14:9

Un noch en engel, da dritt, is eena nohch kumma un hott ksawt, “Vann ennich ebbah dess diah un sei abgott-gleichnis ohbayt, un nemd sei meik uf di shtann adda di hand,

Di Offenbarung 16:1

No habb ich en laudi shtimm fumm tempel keaht sawwa zu di sivva engel, “Gaynd un leahret di sivva shisla mitt Gott sei zann aus uf di eaht.”

Di Offenbarung 16:11

un henn da Gott fumm Himmel faflucht veyyich iahra shmatza un vayyi kshveahra. Avvah si henn nett rumm gedrayt un boos gedu fa vass si gedu henn.

Di Offenbarung 8:7

Da eahsht engel hott sei hann geblohsa un's voahra shlohsa un feiyah zammah gmixt mitt bloot. Dee voahra nunnah kshmissa uf di eaht, un en driddel funn awl di baym voahra ufgebrend, un awl's gree graws voah ufgebrend.

1. Samuel 5:6

Nau di hand fumm Hah voah shveah uf di leit funn Asdod un uf di leit in lendah datt rumm; eah hott si fagelshtaht un hott si geblohkt mitt kshveahra.

1. Samuel 5:9

Avvah noch demm es si see datt anna gebrocht katt henn, voah di hand fumm Hah geyyich selli shtatt un see voah in grohsah angsht. Eah hott di leit funn di shtatt, yung un ald, geblohkt mitt kshveahra.