Di Offenbarung 14:2 - Pennsylvania Dutch Bible

² Un ich habb en shtimm keaht fumm Himmel es voah vi en raushich vassah un vi laut gviddah. Di shtimm es ich keaht habb voah vi harf-shpeelah am iahra harfa shpeela.

Di Offenbarung 14:2 ပူးပေါင်းရင်းမြစ်များ

2. Samuel 6:5

Da Dawfit un gans Israel voahra am dansa un singa fannich em Hah un henn kshpeeld mitt peifa gmacht funn tannen-hols un mitt harfa, tambourines, drumma un cymbals.

2. Chronik 20:28

Si sinn in Jerusalem nei ganga un sinn grawt an da tempel fumm Hah ganga mitt grohsi un glenni harfa un blohs-hanna.

Psalm 147:7

Singet zumm Hah un seind dankboah; lohvet unsah Gott mitt harfa.

Psalm 149:3

Loss si sei nohma lohva mitt dansa; si sella een deena mitt grohsi un glenni harfa.

Psalm 33:2

Danket da Hah mitt harfa, singet lohb zu eem mitt zeyya kshtringdi harfa.

Psalm 43:4

No gayn ich an da awldah funn Gott, zu Gott, deah es mei grohsi frayt is; un ich dank dich mitt di harf, oh Gott, mei Gott.

Psalm 57:8

Vekk uf, mei sayl; vekk uf, psaltah un harf! Ich zayl ufvekka eb dawk.

Psalm 92:3

mitt di zeyya-kshtringd harf, un aw mitt di grohs harf.

Psalm 93:4

Graysah es di yacht funn grohsi vassahra; graysah es di hohcha vella fumm say, is da Hah, hohch un mechtich.

Psalm 98:5

Singet lohb zumm Hah mitt di harfa, mitt di harfa, un singet mitt eiyah shtimma.

2. Mosi 19:16

No uf'm meiya fumm dridda dawk voah's am dimla un gviddahra, un's voah en dikki volk ivvah da berg. En laut blohs-hann hott geblohsa, un awl di leit henn geziddaht.

2. Mosi 20:18

Vo awl di leit dess dimles un gviddah ksenna henn, un's blohs-hann keaht henn, un da berg ksenna henn am shmohka, henn si geziddaht un sich kfeicht un henn zrikk vekk kshtanna.

Jesoiya 17:13

Yau, di leit macha en yacht vi en grohs vassah, avvah vann eah si zankt dann shpringa si fatt. Si vadda gyawkt vi shprau beim vind uf di berga, un vi shtawb in en vind-veahvel.

Ezekiel 43:2

Un ich habb em Gott funn Israel sei hallichkeit ksenna kumma funn di east. Sei shtimm voah vi di yacht funn en grohs vassah am lawfa, un di eaht hott ksheind mitt sei hallichkeit.

Sacharia 9:14

No veist da Hah sich un kumd ivvah si, sei arrow fleekt fassich vi gviddah. Gott da Hah blohst's blohs-hann; eah lawft fassich in di shtoahms funn di saut.

1. Korinther 13:1

Vann ich shvetz mitt di zunga funn mensha un funn engel, un habb kenn leevi, dann binn ich vi en yachtich blohs-hann un en klinglichi bell.

Di Offenbarung 1:10

Ich voah im Geisht uf em Hah sei dawk, un ich habb en laudi shtimm keaht hinnich miah es gmacht hott vi en blohs-hann.

Di Offenbarung 1:15

Sei fees voahra vi glitzahrich brass es am fashmelsa is im offa, un sei shtimm vi raushich vassah.

Di Offenbarung 11:12

No henn si en laudi shtimm fumm Himmel keaht vo ksawt hott, “Kummet do ruff.” Un si sinn nuff in da Himmel ganga in en volk, diveil es selli gvatsht henn es si kast henn.

Di Offenbarung 11:15

No hott da sivvet engel sei hann geblohsa, un's voahra laudi shtimma im Himmel vo ksawt henn, “Di kaynich-reicha funn di veld sinn di kaynich-reicha vadda funn unsah Hah un funn sei Christus, un eah zayld Kaynich sei fa immah un immah.”

Di Offenbarung 15:2

Ich habb ksenna vass gegukt hott vi en say funn glaws gmixt mitt feiyah, un selli vo's diah ivvah-kumma sinn, un aw ivvah sei abgott-gleichnis, sei meik un's nambah funn sei nohma. Si henn am say kshtanna mitt harfa funn Gott in iahra hend.

Di Offenbarung 18:22

Di yacht funn di harf-shpeelah, di singah, di peifah un di blohs-hann blohsah zayla nimmi keaht sei in diah. Kenn shaff-leit funn ennichi eahvet vadda may kfunna in diah. Un di yacht fumm meel-shtay vatt nee nimmi keaht in diah.

Di Offenbarung 5:8

Vo eah's buch gnumma katt hott, sinn di fiah levendichi diahra un di fiah un zvansich eldishti nunnah kfalla fannich's Lamm. Yaydah vann hott en harf katt un goldichi shisla foll insens. Dess sinn di gebaydah funn di saylicha.

Di Offenbarung 6:1

Ich habb gvatsht vi's Lamm da eahsht seal uf gmacht hott, un ich habb ayns funn di levendichi diahra keaht sawwa in en shtimm vi gviddah, “Kumm!”

Di Offenbarung 8:7

Da eahsht engel hott sei hann geblohsa un's voahra shlohsa un feiyah zammah gmixt mitt bloot. Dee voahra nunnah kshmissa uf di eaht, un en driddel funn awl di baym voahra ufgebrend, un awl's gree graws voah ufgebrend.