Di Offenbarung 11:12 - Pennsylvania Dutch Bible

¹² No henn si en laudi shtimm fumm Himmel keaht vo ksawt hott, “Kummet do ruff.” Un si sinn nuff in da Himmel ganga in en volk, diveil es selli gvatsht henn es si kast henn.

Di Offenbarung 11:12 ပူးပေါင်းရင်းမြစ်များ

2. Kaynicha 2:1

Di zeit is kumma fa da Hah da Elia nuff in da himmel nemma in en vind-veahvel. Da Elia un da Elisa voahra am vekk gay funn Gilgal.

2. Kaynicha 2:11

Diveil es si am mitt-nannah lawfa un am shvetza voahra—uf aymol is en feiyahrichah vauwa un feiyahrichi geil bei kumma un henn si funn-nannah gedu. Un da Elia is nuff in da himmel ganga in en vind-veahvel.

2. Kaynicha 2:5

Di brofayda-kinnah an Jericho sinn no nuff zumm Elisa kumma un henn een kfrohkt, “Vaysht du es da Hah dei meishtah vekk nemma zayld funn diah heit?” “Yau,” hott eah ksawt, “ich vays es voll, avvah shvetzet nett diveyya.”

2. Kaynicha 2:7

Nau fuftzich funn di brofayda-kinnah henn sich en shtikk vekk kshteld un henn sich an da blatz gedrayt es da Elia un da Elisa kshtobt katt henn am Jordan.

Psalm 112:10

Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.

Psalm 15:1

Oh Hah, veah dauf in deim tent voona? Veah dauf uf deim heilicha hivvel voona?

Psalm 24:3

Veah dauf uf em Hah sei hivvel gay? Veah dauf in seim heilicha-blatz shtay?

Psalm 86:17

Veis miah en zaycha es du's goot maynsht fa mich, so es selli es mich hassa sich shemma missa, veil du, oh Hah, miah bei shtaysht un mich drayshta dusht.

2. Mosi 14:25

Eah hott iahra veyya reddah gmacht ab kumma un si henn druvvel katt foahra. Endlich henn di Egyptah ksawt, “Vella uns fabutza, vekk funn di Israeliddah; da Hah is am fechta fa si geyyich di Egyptah.”

Jesoiya 14:13

Avvah du hosht ksawt in deim hatz, “Ich foah nuff an da himmel; ich mach mei kaynich-shtool ovvich di shtanna funn Gott. Ich hokk mich anna mitt di fasamling uf em berg, drovva uf em hohcha berg in di natt.

Jesoiya 40:31

Avvah selli es voahra uf da Hah, zayla frishi graft greeya. Si zayla fleeya mitt flikkel vi di awdlah; si zayla shpringa un nett meet vadda, si zayla lawfa un nett shvach vadda.

Jesoiya 60:8

Veah sinn dee es fleeya vi volka, vi dauva zu iahra neshtah?

Maleachi 3:18

Diah zaylet no viddah sayna vass fa en unnahshitt es es is zvishich di gerechta un ungerechta, zvishich selli es Gott deena un selli es nett doon.”

Lukas 16:23

In di hell voah eah am leida un deich macha, un eah hott nuff gegukt un hott da Abraham funn veit ab ksenna, un da Lazarus voah in sei shohs.

Di Apostelgeschichte 1:9

Un vo eah dee sacha ksawt katt hott, henn si gvatsht vi eah nuff gnumma vadda is, un en volk is ivvah een kumma es si een nimmi sayna henn kenna.

1. Thessalonicher 4:17

Noch sellem, miah vo layva un ivvahrich sinn, zayla uf kfanga vadda mitt eena in di volka fa da Hah ohdreffa datt in di luft. Un so zayla miah immah bei em Hah sei.

Di Offenbarung 12:5

See hott en boo in di veld gebrocht, aynah es Kaynich sei zayld funn awl di leit in di veld, un zayld si ivvah-sayna mitt en eisichi root; un iahra kind voah vekk gnumma, nuff zu Gott un zu seim kaynich-shtool.

Di Offenbarung 3:21

Deah vo ohhald un alles ivvah-kumd, zu demm vill ich's gevva es eah mitt miah uf mei kaynich-shtool hokka dauf, grawt vi ich alles ivvah-kumma binn, un habb mich anna kokt mitt meim Faddah uf sei kaynich-shtool.

Di Offenbarung 4:1

Noch demm habb ich gegukt un datt voah en deah uf gmacht im Himmel. Un di shtimm es ich seahsht keaht habb shvetza zu miah es gmacht hott vi en blohs-hann, hott ksawt, “Kumm do ruff, un ich veis diah vass blatz nemma muss noch demm.”