Di Offenbarung 10:9 - Pennsylvania Dutch Bible

⁹ So binn ich zumm engel ganga un habb een kfrohkt fa's glay bichli. No hott eah ksawt zu miah, “Nemm's un essa's. Es zayld biddah sei in deim mawwa, avvah sees vi hunnich in deim maul.”

Di Offenbarung 10:9 ပူးပေါင်းရင်းမြစ်များ

Hiob 23:12

Ich habb's gebott funn sei leftz nett ivvah-gedredda; di vadda funn sei maul sinn may keshtlich zu miah es ess-sach.

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Ezekiel 2:8

Avvah du, mensha-kind, heich vass ich sawk zu diah. Sei nett shteibahrich vi sell shteibahrich haus. Mach dei maul uf un ess vass ich diah gebb.”

Ezekiel 3:14

Da Geisht hott mich ufkohva un mich vekk gnumma. Ich voah biddah un zannich in meim geisht, un di hand fumm Hah voah shteik uf miah.

Kolosser 3:6

Fa sacha vi dess kumd Gott sei zann uf di kinnah vo nett heicha.

Di Offenbarung 10:10

Ich habb no's glay bichli aus em engel sei hand gnumma un habb's gessa. Es voah sees vi hunnich in meim maul, avvah vo ich's gessa katt habb, is mei mawwa biddah vadda.