Daniel 4:31 - Pennsylvania Dutch Bible

³¹ Di vadda voahra alsnoch im kaynich sei maul vo en shtimm fumm himmel kumma is, “Kaynich Nebukadnezar, zu diah is es ksawt; dei kaynich-reich is vekk gnumma vadda funn diah.

Daniel 4:31 ပူးပေါင်းရင်းမြစ်များ

1. Mosi 14:18

No hott da Melchisedek, da kaynich funn Salem, broht un vei raus gebrocht. Eah voah en preeshtah fumm Alli-Haychshta Gott.

Hiob 20:23

Vann eah sei bauch uf fild, zayld Gott sei gleedichah zann uf een shikka. Gott sei zann zayld sei ess-sach sei.

Psalm 145:13

Dei Kaynich-Reich is en ayvich reich, un dei Kaynich-Macht bleibt deich alli nohch-kummashaft. Da Hah is shtandhaftich in alles es eah fashprocha hott, un gnaydich zu alles es eah gmacht hott.

Shpricha 29:23

En shtolsah mann vatt niddah gebrocht, avvah en daymeedichah mann grikt hohchi eah.

Jesoiya 14:27

Da Awlmechtich Hah hott's ausgmacht, un veah kann een shtobba? Sei hand is naus kshtrekt, veah kann si zrikk drayya?

Daniel 12:7

Da mann in linnen glaydah es ovvich em vassah voah hott sei rechtsi un sei lingsi hand nuff geyyich em himmel kshtrekt un hott kshvoahra bei sellah es ayvichlich laybt. Eah hott ksawt, “Es zayld sei fa en zeit, zvay zeida un en halvi zeit, un vann di macht funn di heilicha leit moll gans nunnah gebrocha is, dann henn dee sacha alles blatz gnumma.”

Daniel 4:24

Dess is vass es maynd, oh kaynich, un dess is es gebott es da Alli-Haychsht gevva hott geyyich mei hah, da kaynich:

Daniel 4:26

Es gebott fa da shtumba fumm bohm un di vatzla datt lossa maynd es dei kaynich-reich zayld viddah zrikk gevva sei zu diah vann du moll bekensht es di gvald im himmel is.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Daniel 4:32

Du zaylsht vekk gedrivva vadda funn leit un zaylsht layva mitt di vilda diahra. Du zaylsht graws fressa mitt em fee. Sivva yoah zayla fabei gay biss du bekensht es da Alli-Haychsht gvald hott ivvah di kaynich-reicha funn mensha un eah gebt si zu veah-evvah es eah vill.”

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Daniel 5:20

Avvah vo eah sei hatz ufkohva hott, un sei geisht hohchmeedich un shtols vadda glost hott, voah eah fumm kaynich-shtool kshtohsa un sei hallichkeit voah vekk gnumma funn eem.

Daniel 5:28

PERES, dei kaynich-reich is fadayld un is zu di leit funn Media un Persia gevva.”

Daniel 6:27

Eah nemd leit aus di kfoah un macht si frei; eah dutt zaycha un vundahra, im himmel un uf di eaht. Eah hott da Daniel aus di kfoah gnumma, aus di graft funn di layb.”

Matthäus 3:17

Un no hott en shtimm fumm Himmel ksawt, “Dess is mei Sohn es ich leeb habb! Ich binn goot zufridda mitt eem.”

Lukas 12:20

Avvah Gott hott ksawt zu eem, ‘Du nah! Dee do nacht vatt dei sayl gnumma funn diah. No vemm sinn awl dee nadiahlicha sacha es du zammah ksammeld hosht?’

Johannes 12:28

Faddah, fakleah dei nohma.” No is en shtimm fumm Himmel kumma, “Ich habb en fakleaht, un ich vill en viddah fagleahra.”

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Di Offenbarung 16:7

Un ich habb en anra keaht sawwa aus em awldah, “Yau, Hah, du Awlmechtichah Gott, dei gerichta sinn voahhaftich un gerecht.”

1. Samuel 13:14

Avvah nau zayld dei kaynich-reich nett shtay. Da Hah hott en mann raus ksucht noch sei ayya hatz un hott een roolah gmacht ivvah sei leit, veil du em Hah sei gebott nett kalda hosht.”

1. Samuel 15:23

Geyyich Gott shaffa is vi di sind funn hexahrei, un dikk-kebbich sei is vi's evila funn abgettah deena. Veil du's vatt fumm Hah nunnah gedrayt hosht, dann hott eah dich aw nunnah gedrayt fa kaynich sei.”