Breddichah 9:10 - Pennsylvania Dutch Bible

¹⁰ Vass-evvah es dei hend finna fa du, du's mitt awl dei macht, fa vo du anna gaysht im grawb zayld kenn eahvet adda denkes adda eisicht adda veisheit sei.

Breddichah 9:10 ပူးပေါင်းရင်းမြစ်များ

1. Mosi 37:35

Awl sei boova un mayt sinn kumma fa een drayshta avvah eah hott's nett gedu fa gedraysht sei. Eah hott ksawt, “Ich gay nunnah in's grawb zu mei sohn am heila.” Un so hott sei daett keild fa een.

1. Chronik 22:19

Nau setzet eiyah hatz un sayl fa da Hah eiyah Gott sucha. Fanget oh da tempel fumm Gott da Hah bauwa, so es diah di Bundes-Lawt fumm Hah, un's heilich ksha funn Gott in da tempel bringet es gebaut sei zayld fa da Nohma fumm Hah.”

1. Chronik 28:20

No hott da Dawfit ksawt zu seim boo da Solomon, “Sei shteik un gedrohsht, un richt dess aus. Feich dich nett, un faliah nett moot, fa Gott da Hah, mei Gott, is mitt diah. Eah lost dich nett nunnah un falost dich nett biss du awl di eahvet gedu hosht fa da deensht im Hah sei haus.

Nehemia 2:12

No binn ich ufkshtanna nachts un habb edlichi mennah mitt miah gnumma. Ich habb nimmand ksawt vass Gott am in mei gedanka du voah veyyich Jerusalem. 'S voahra kenn diahra bei miah unni yusht sell es ich am reida voah.

Nehemia 4:2

Fannich sei kumrawda un di greeks-gnechta funn Samaria hott eah ksawt, “Vass sinn selli shvacha Yudda am du? Zayla si iahra mavvah ivvah bauwa? Zayla si opfahra macha? Zayla si's faddich macha in ay dawk? Zayla si di shtay uf selli heifa es alles fabrend sinn viddah levendich macha?”

Nehemia 4:6

So henn miah di mavvah ivvah gebaut, un di gans mavvah voah baut halvah ufglaykt, fa di leit henn kshaft mitt iahra gans hatz.

Hiob 10:21

eb ich anna gay vo ich nee nett zrikk kumm, in's land funn shadda un dunkelheit,

Hiob 10:22

in's land funn di deefsht nacht un deefah shadda, vo alles deich-nannah is, vo even's licht is vi's dunkla.”

Hiob 21:13

Dee leit iahra layva is goot biss si ald vadda, un in fridda gayn si nunnah in's grawb.

Psalm 6:5

Ebbah dohdes denkt nett an dich. Veah kann dich danka im grawb?

Shpricha 3:28

Sawk nett zu deim nochbah, “Gay haym un kumm viddah zrikk meiya,” vann du's nau hosht fa gevva.

Breddichah 11:3

Vann di volka foll vassah sinn, dann leahra si sich aus uf di eaht. Vann en bohm um fald geyyich di natt adda geyyich di saut, datt vo eah fald, zayld eah leiya.

Breddichah 11:6

Say dei sohma free meiyets, un loss dei hend nett roowa ohvets, fa du kansht nett sawwa eb da meiya adda da ohvet sohma vaxa zayld, adda eb si awl zvay doon.

Jesoiya 38:10

Ich habb ksawt, “An di besht zeit funn mei layva, muss ich deich's doah fumm doht gay, un's ivvahrich funn mei layva vatt vekk gnumma?”

Jeremia 29:13

Diah zaylet mich sucha un mich finna, vann diah mich suchet mitt eiyahm gans hatz.

4. Mosi 13:30

No hott da Kaleb di leit shtill gmacht fannich em Mosi un hott ksawt, “Miah sedda nuff gay un's land ivvah-nemma, fa miah kenna's geviss du.”

Matthäus 20:7

Si henn ksawt zu eem, ‘Veil nimmand uns gedunga hott.’ Eah hott ksawt zu eena, ‘Gaynd aw nei in da drauva-goahra, un vass recht is, zaylet diah greeya.’

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

Johannes 4:34

Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.

Johannes 5:4

Fa alsamohl is en engel nunnah in's vassah ganga un hott's uf kshtatt. Veah-evvah es seahsht in's vassah ganga is noch demm es es uf kshtatt voah is kayld vadda funn sei granket.

Johannes 9:4

Ich muss di eahvet shaffa funn demm vo mich kshikt hott diveil es es dawk is. Di nacht kumd vann nimmand shaffa kann.

Römer 12:11

Seind nett aldvannish in vass diah doond, seind fleisich im geisht un deenet da Hah.

1. Korinther 15:10

Avvah deich di gnawt funn Gott binn ich vass ich binn. Un sei gnawt uf miah voah nett fa nix. Fa ich habb haddah kshaft es si awl. Doch, es voah nett mich avvah di gnawt funn Gott mitt miah.

1. Korinther 16:10

Nau vann da Timotheus kumd, saynet ditzu es eah nix zu feicha hott diveyya diveil es eah bei eich is. Fa eah shaft em Hah sei eahvet grawt vi ich aw du.

1. Korinther 9:24

Visset diah nett es selli vo shpringa in en race doon awl shpringa, avvah yusht aynah grikt da prize? So shpringet in en vayk es diah da prize greeyet.

1. Korinther 9:26

Fasell shpring ich vi aynah es vayst vass eah dutt. Ich fecht aw so, nett vi aynah es yusht di luft shlakt.

Epheser 5:16

Un machet's mensht aus di zeit, fa di dawwa sinn evil.

Kolosser 3:23

Vass-evvah es diah doond, shaffet mitt eiyahm gans hatz es vann diah am shaffa veahret fa da Hah, un nett fa mensha.

1. Samuel 10:7

Vann dee zaycha moll zu dich kumma, solsht du du vass shiklich is, fa Gott is bei diah.