Breddichah 8:12 - Pennsylvania Dutch Bible

¹² Un en ungettlichah mensh mecht en hunnaht mohl letz du un alsnoch en lang layva havva, avvah ich vays es es bessah gay zayld mitt en mensh es Gott fircht, sellah es Gott eaht.

Breddichah 8:12 ပူးပေါင်းရင်းမြစ်များ

1. Kaynicha 21:25

(Es voah nee nimmand es sich fakawft hott fa evil du im Hah sei awwa vi da Ahab—un dess bei sich fashtifta lossa bei di Jesebel, sei fraw.

1. Chronik 16:30

Di gans veld soll ziddahra fannich eem! Di eaht is fesht gegrund, un kann nett gmooft sei.

Hiob 35:15

Un nau, veil Gott in seim zann nett kshtrohft hott, un sich nett oahrich bekimmaht hott veyyich ungerechtichkeit,

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Psalm 115:13

Eah saykend selli es da Hah firchta, di grohsa un di glenna.

Psalm 128:2

Du esht di frucht es dei hend kshaft henn difoah; du zaylsht froh sei un's zayld goot gay mitt diah.

Psalm 37:11

Di daymeedicha zayla's land eahva, un zayla sich froiya mitt en grohsah fridda.

Psalm 96:9

Lohvet da Hah in seim heilicha glayt, loss di gans veld ziddahra fannich eem.

2. Mosi 1:20

So voah Gott goot zu di mitt-veivah, un di leit henn sich fameaht un sinn feel vadda.

Shpricha 13:21

Druvvel gayt sindah nohch, avvah di gerechta vadda zrikk betzawld mitt goodi sacha.

Shpricha 28:14

Ksaykend is da mann es da Hah immah firchta dutt, avvah sellah es sei hatz hatt macht kumd in druvvel.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Breddichah 3:14

Ich vays es alles es Gott dutt shtay zayld fa'immah; nix kann ditzu gedu vadda un nix vekk gnumma vadda. Gott dutt dess so es mensha een firchta sella.

Breddichah 5:16

Do is aw en veesht ding: Vi en mann kumd, so gayt eah viddah, un vass dutt's eem goot, siddah es eah yusht kshaft hott fa da vind fanga?

Breddichah 5:7

Feel drohma un vadda mayna nix. Avvah shtay fannich Gott mitt furcht.

Breddichah 7:15

Deich mei layva unni mayning, havvich dee awl zvay ksenna: En gerechtah mann shtaubt in sei gerechtichkeit, un en evilah mann laybt lang in ungettlichkeit.

Breddichah 7:18

Es is goot fa ayns fashtay, un nett gay lossa fumm anra. Sellah es Gott fircht dutt nix ivvah di maws.

Jeremia 44:10

Biss deah dawk henn si sich nett gedaymeedicht un sich kfeicht, un si henn aw mei ksetz un adninga nett kalda es ich fannich eich un eiyah foah-feddah ksetzt habb.

Matthäus 25:34

No sawkt da Kaynich zu selli uf sei rechtsi seit, ‘Kummet, diah ksaykendi funn meim Faddah, diah sellet's reich eahva vass grisht voah fa eich siddah em ohfang funn di veld.

Lukas 1:50

Un sei bamhatzichkeit is fa'immah un immah uf selli vo furcht henn fa een.

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.

Römer 9:22

So vass diveyya, vann Gott sei zann un graft veisa hott vella, hott grohsi geduld gvissa zu selli es eah zannich voah mitt, selli es di fadamnis fadeend henn?

5. Mosi 12:25

Diah sellet's nett essa, so es es goot gayt mitt eich un eiyah kinnah noch eich, veil diah am du sind vass recht is im Hah sei awwa.

5. Mosi 12:28

Gevvet acht un doond awl dee sacha es ich am eich sawwa binn, so es es goot gayt mitt eich un eiyah kinnah noch eich fa'immah, veil diah am du sind vass recht un goot is fannich em Hah eiyah Gott.

5. Mosi 4:40

Haldet sei adninga un gebodda es ich am eich gevva binn heit, so es es goot gayt mitt eich un eiyah kinnah noch eich, un so es diah lang layvet im land es da Hah eiyah Gott eich gebt fa'immah.

2. Petrus 2:9

vann awl dess so is, dann vayst da Hah vi fa di gettlicha aus di fasuchung nemma, un aw vi fa di ungerechta hayva fa da gerichts-dawk un iahra shtrohf.