Breddichah 6:12 - Pennsylvania Dutch Bible

¹² Veah vayst vass goot is fa da mensh in demm layva deich di katza yoahra es nix mayna, un es eah deich gayt vi en shadda? Veah kann eem sawwa vass es gebt unnich di sunn vann eah moll nimmi do is?

Breddichah 6:12 ပူးပေါင်းရင်းမြစ်များ

1. Chronik 29:15

Miah sinn ausahri un fremdi fannich diah, grawt vi awl unsah foah-feddah voahra. Unsah dawwa uf di eaht sinn vi en shadda, unni hofning.

Hiob 14:2

Eah kumd uf vi en blumm, favelkt un fald ab; vi en shadda es fagayt, so bleibt eah nett.

Hiob 14:21

Sei boova greeya grohsi eah, avvah eah vayst's nett; vann si niddah gebrocht vadda, dann dutt eah's nett sayna.

Hiob 8:9

fa miah voahra yusht geshtah geboahra un vissa nix, unsah dawwa uf di eaht sinn yusht en shadda.

Psalm 102:11

Mei dawwa sinn vi da ohvet shadda, un ich fadatt vi graws.

Psalm 109:23

Ich binn am fagay vi en ohvet shadda, ich binn abkshiddeld vi en hoi-shrekk.

Psalm 144:4

Da mensh is vi en ohften, sei dawwa sinn vi en shadda es fagayt.

Psalm 16:5

Da Hah is mei dayl funn di eahbshaft. Du veisht miah vi zu gay, un haldsht mei dayl fa mich.

Psalm 17:15

Avvah fa mich, ich in mei gerechtichkeit zayl dei ksicht sayna, un zayl zufridda sei fa dei gleichnis sayna vann ich uf vekk.

Psalm 4:6

Feel leit sawwa, “Veah kann uns goodi sacha sayna lossa?” Loss di helling funn dei ksicht uf uns falla, oh Hah.

Psalm 47:4

Eah hott unsah eahbshaft raus glaysa fa uns, di hallichkeit fumm Jakob, deah vo eah leeb hott. (Sela)

Psalm 89:47

Denk droh vi katz es mei layva is, du hosht awl mensha kshaffa fa nix.

Breddichah 10:14

Da unksheit mann hott feel zu sawwa, avvah nimmand vayst vass am kumma is. Nimmand vayst vass es gebt mitt eem shpaydah naus.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Breddichah 2:24

Es besht ding es en mann du kann is fa essa un drinka un fa blesiah nemma in sei eahvet. Ich habb auskfunna es dee sacha funn Gott sei hand kumma,

Breddichah 2:3

Ich habb broviaht mich fraylich macha mitt vei un en goodi zeit havva, diveil es mei meind am veisheit sucha voah. Ich habb vella sayna vass goodes es mensha doon mitt di poah yoah es si unnich em himmel layva.

Breddichah 3:22

So habb ich ausgmacht es es is nix bessah fa da mensh es fa frayt nemma in sei eahvet, fa sell is sei dayl in demm layva. Veah kann een an da blatz bringa es eah sayna kann vass es gevva zayld noch eem?

Breddichah 6:11

Vi may vadda es ma sawkt, vi vennichah es si mayna, so is ma alsnoch nett bessah ab.

Breddichah 7:15

Deich mei layva unni mayning, havvich dee awl zvay ksenna: En gerechtah mann shtaubt in sei gerechtichkeit, un en evilah mann laybt lang in ungettlichkeit.

Breddichah 8:13

Un veil da ungettlich mensh Gott nett fircht, dann zayld's nett goot gay mitt eem, un sei dawwa zayla nett falengaht vadda vi en shadda.

Breddichah 8:7

Siddah es nimmand vayst vass es gevva zayld, veah kann eem sawwa vass kumma zayld?

Breddichah 9:6

Iahra leevi un hass un fagunsht sinn shund lang faganga; si zayla kenn dayl may havva mitt ennich ebbes es es gebt unnich di sunn.

Breddichah 9:9

Sei fraylich in demm layva mitt dei fraw es du leeb hosht so lang es du laybsht in demm katz layva es Gott diah gevva hott unnich di sunn. Fa dess is dei dayl im layva un in dei eahvet es du dusht unnich di sunn.

Micha 6:8

Es is diah ksawt, oh mensh, vass goot is, un vass da Hah foddaht funn diah. Du solsht leit recht yoosa un bamhatzich sei zu eena, un daymeedich lawfa mitt deim Gott.

Jakobus 4:14

Vei du vaysht goah nix veyyich meiya. Vass is dei layva? Es is yusht vi da nevvel es sich veist fa en glenni zeit un no viddah fagayt.