Breddichah 6:10 - Pennsylvania Dutch Bible

¹⁰ Alles es is, voah shund lang gnohmd, un vass da mensh is, is goot fashtanna. Da mensh kann nett shtreida mitt ebbah es shteikah is es eah selvaht.

Breddichah 6:10 ပူးပေါင်းရင်းမြစ်များ

1. Mosi 3:9

Avvah Gott da Hah hott em Adam groofa un hott ksawt, “Vo bisht du?”

Hiob 33:13

Favass faglawksht du dich zu eem, un sawksht, ‘Eah gebt kenn andvat zu mei vadda’?

Hiob 40:2

“Zayld sellah es eiyaht mitt em Awlmechticha, een recht setza? Loss sellah es Gott pshuldicht eem andvat gevva!”

Hiob 9:32

Eah is nett en mensh vi ich binn, es ich eem andvat gevva kann. Miah kenna nett mitt-nannah in's gericht-haus gay.

Psalm 103:15

Un veyyich em mensh, sei layva is vi graws, eah bleet vi en blumm im feld,

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Shpricha 21:30

'Sis kenn veisheit, kenn eisicht un kenn roht, es ufshtay kann geyyich da Hah.

Breddichah 3:15

Sell vass is, voah shund lang gvest, un sell vass sei zayld, voah shund lang gvest, un Gott bringd viddah zrikk sell vass faganga is.

Breddichah 6:11

Vi may vadda es ma sawkt, vi vennichah es si mayna, so is ma alsnoch nett bessah ab.

Jeremia 49:19

“Vi en layb am ruff kumma aus em deefa bush fumm Jordan zu en gree vayt-land, so yawk ich di Edomiddah bletzlich vekk funn iahra land; un sellah es ich raus roof vatt ivvah si ksetzt. Veah is vi ich binn, un veah kann ufshtay geyyich mich fannich em richtah? Un vo is da shohf-heedah es ufshtay kann geyyich mich?”

1. Korinther 10:22

Adda vella miah da Hah jealous macha? Sinn miah shteikah es eah is?