Breddichah 5:13 - Pennsylvania Dutch Bible

¹³ Do is en veesht ding es ich ksenna habb unnich di sunn: en reichah mann am sei shtoft hayva zu sei ayknah shawda,

Breddichah 5:13 ပူးပေါင်းရင်းမြစ်များ

1. Mosi 14:16

Da Abram hott awl's sach viddah zrikk gebrocht. Eah hott sei broodah sei boo, da Lot, un sei sach, un di veibsleit un awl di anra leit viddah zrikk gebrocht.

1. Mosi 19:14

No is da Lot naus ganga un hott kshvetzt zu sei dochtah-mennah vo fashprocha voahra zu sei zvay mayt, un hott ksawt, “Greeyet eich aus demm blatz; da Hah zayld di shtatt alles vekk butza.” Avvah sei dochtah-mennah henn gmaynd eah is yusht am kshpass macha.

1. Mosi 19:26

Avvah em Lot sei fraw hinnich eem, hott rumm gegukt, un is in en poshta sals gedrayt.

Hiob 20:20

Eah kann nee nett genunk greeya, eah is so greedich es eah nix halda kann es eah gleicht.

Shpricha 1:19

So gayt's mitt alli-ebbah es greedich is fa feel sach, sell nemd's layva vekk funn selli es iahra sach so greeya.

Shpricha 1:32

Di dumma drayya vekk un sell macht si doht; di aldvannisha sinn unbekimmaht un kumma um.

Shpricha 11:4

Feel geld helft nix am dawk fumm zann, avvah gerechtichkeit hald dich aus di kfoah fumm doht.

Shpricha 23:4

Veah dich nett aus am broviahra reich vadda, sei shmeaht genunk fa dich zrikk hayva.

Shpricha 27:24

fa reichheit bleibt nett fa'immah un en krohn vatt nett zu di nohch-kummashafta gevva fa'immah.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Breddichah 5:14

un deich en shlechtah handel hott eah's alles faloahra, so es vann eah en boo hott, is nix ivvahrich fa een.

Breddichah 8:9

Ich habb awl dess ksenna un habb ivvah alles gedenkt es gedu vatt unnich di sunn. Es hott zeida vann en mann gvald nemd ivvah en anrah un dutt sich selvaht vay.

Jesoiya 2:20

Im sellem dawk zayla mennah iahra silvahrichi un goldichi abgettah vekk shmeisa zu di mohls un fleddah-meis, dee sacha es si gmacht henn fa ohbayda.

Zephania 1:18

Iahra silvah un iahra gold kann si nett aus di kfoah halda im dawk fumm Hah sei zann. In seim jealous feiyah zayld di gans veld fabrend sei, fa eah macht en bletzlich end funn alli-ebbah es uf di eaht voond.”

Lukas 16:19

“Es voah moll en reichah mann es feini, purpeli glaydah gvoahra hott vo gmacht voahra aus fei duch. Eah hott alli dawk grohsi essa gmacht un hott reichlich glaybt.

Lukas 19:8

Da Zachaeus is ufkshtanna un hott ksawt zumm Hah, “Gukk moll, Hah, dihelft funn vass ich habb, gevvich zu di oahma, un vann ich ennich ebbes uneahlich gnumma habb funn ebbahm, gevvich eem fiah mohl so feel zrikk.”