Breddichah 3:5 - Pennsylvania Dutch Bible

⁵ En zeit fa shtay ausnannah shtroiya, un en zeit fa si zammah samla; en zeit fa ebbah in da oahm nemma, un en zeit fa nett.

Breddichah 3:5 ပူးပေါင်းရင်းမြစ်များ

2. Kaynicha 3:25

So henn si di shtett fadauva, un yaydah mann hott en shtay uf alli goot shtikk land kshmissa biss es ufkfild voah. Si henn awl di vassah-shpringa ufkshtobt un awl di gooda baym umgmacht, biss yusht di shtay funn di shtatt Kir-Hareseth kshtanna henn. Un di mennah mitt shtay-shlinga sinn drumm rumm un henn di shtatt kshtaynicht.

2. Mosi 19:15

Eah hott no ksawt, “Rishtet eich fa da dritt dawk; gaynd nett nei zu eiyah veivah.”

Breddichah 3:4

En zeit fa heila, un en zeit fa lacha; en zeit fa veina, un en zeit fa dansa.

Breddichah 3:6

En zeit fa sucha, un en zeit fa shtobba; en zeit fa ebbes halda, un en zeit fa's vekk shmeisa.

Joel 2:16

Fasamlet di leit zammah, heilichet di fasamling; bringet di eldishti zammah, geddahret di kinnah zammah, selli an di muddah iahra brusht. Loss da hochtzich-mann un di hochtzich-fraw aus iahra shtubb kumma.

1. Korinther 7:5

Ayns soll sich nett halda fumm anra, adda vann diah awl zvay aynich sinn mitt, yusht fa en zeidlang. Dess is so es diah eich gevva kennet zu fashta un bayda. Avvah no sellet diah viddah zammah kumma adda da Satan fasucht eich veil eiyah naduah zu shteik is fa eich.

Joshua 10:27

Ohvets an sunn-unnah hott da Joshua en gebott gevva, un si henn si funn di baym runnah gnumma un henn si in's felsa-loch kshmissa es si sich fashtekkeld katt henn drinn. Si henn grohsi shtay ivvah's loch, un dee sinn noch datt heit.