Breddichah 3:2 - Pennsylvania Dutch Bible

² En zeit fa geboahra sei, un en zeit fa shtauva; en zeit fa blansa, un en zeit fa ausvatzla vass geblanst is.

Breddichah 3:2 ပူးပေါင်းရင်းမြစ်များ

1. Mosi 17:21

Avvah mei bund zayl ich macha mitt em Isaac, deah vo zu di Sara geboahra sei zayld an dee zeit neksht yoah.”

1. Mosi 47:29

Vo em Israel sei zeit fa shtauva nayksht kumma is, hott eah sei boo da Joseph zu sich groofa un hott ksawt zu eem, “Vann ich gnawt kfunna habb in dei awwa dann du dei hand unnich mei hift un sei bamhatzich un shtandhaftich zu miah. Ich bitt dich, fagrawb mich nett do in Egypta.

1. Kaynicha 13:2

Deah mann hott kshvetzt geyyich da awldah deich's vatt fumm Hah. Eah hott ksawt, “Awldah, awldah! Dess is vass da Hah sawkt: ‘En boo es Josia hayst zayld geboahra vadda zumm haus fumm Dawfit. Di preeshtah es nau opfahra macha in di hohcha-bletz zayla gopfaht vadda uf diah bei eem. Mensha gnocha zayla fabrend vadda uf diah.’”

2. Kaynicha 4:16

No hott da Elisa ksawt, “An dee zeit neksht yoah zaylsht du en boovli in dei eahm hayva.” “Nay, mei hah,” hott see ksawt, “du nett leeya zu dei mawt, du mann funn Gott.”

Hiob 14:14

Vann en mensh shteahbt, zayld eah viddah layva? Awl di dawwa funn mei shtreides voaht ich biss mei fa'ennahres kumd.

Hiob 14:5

Du hosht ausgmacht vi lang em mann sei dawwa sei zayla, di moonada funn seim layva sinn uf zu diah, un du hosht en zeit ksetzt es eah nett ivvah-shridda kann.

Hiob 7:1

“Muss nett da mensh hatt shaffa uf di eaht: sinn nett sei dawwa vi di dawwa funn en gnecht?

Psalm 113:9

Eah gebt di unfruchtboah fraw frayt in di haymet, un macht si en fraylichi maemm mitt kinnah. Halleluja!

Psalm 52:5

Avvah Gott zayld dich nunnah brecha fa'immah: Eah zayld dich uf nemma un dich vekk reisa funn deim tent; eah nemd dei vatzla aus em land funn di levendicha. (Sela)

Shpricha 24:27

Mach dei eahvet seahsht faddich draus, un grikk dei feldah grisht; noch sellem bau dei haus.

Jesoiya 28:24

Vann en bavvah blookt fa ebbes blansa, dutt eah ohhalda bloowa? Hald eah yusht oh bloowa un ayya?

Jesoiya 38:1

In selli dawwa is da Hiskia grank vadda un voah shiah doht. Da brofayt Jesoiya, em Amoz sei boo, is zu eem ganga un hott ksawt, “Dess is vass da Hah sawkt: Mach dei haus zvayk veil du shtauva zaylsht; du vasht nimmi ksund.”

Jesoiya 38:5

“Gay un sawk em Hiskia, ‘Dess is vass da Hah, da Gott funn deim faddah da Dawfit, sawkt: Ich habb dei gebayt keaht un habb dei awwa-vassah ksenna; ich gebb diah nochamohl fuftzay yoah fa layva.

Jesoiya 54:1

“Sing, du unfruchtboahri fraw, du es nee kenn kind katt hosht; froi dich mitt singes, greish mitt frayt, du es nee kenn kind-shmatza katt hosht; veil di fraw es falossa vadda is may kinnah havva zayld es selli es en mann hott,” so sawkt da Hah.

Jeremia 1:10

Saynsht, heit setz ich dich ei fa ivvah lendah un kaynich-reicha sei, fa vatzla raus zeeya un nunnah reisa, fa fadauva un ivvah-shmeisa, un fa ufbauwa un blansa.”

Jeremia 45:4

Da Hah hott ksawt, “Sawk zu eem: ‘Dess is vass da Hah sawkt: Ich zayl nunnah reisa vass ich ufgebaut habb, un aus di vatzel zeeya vass ich geblanst habb deich's gans land.

Matthäus 13:41

Da Mensha Sohn shikt sei engel, un si geddahra alles aus sei Kaynich-Reich es leit macht sindicha un awl dee vo sindicha doon,

Matthäus 15:13

Eah hott ksawt, “Alli blansa es mei Himlishah Faddah nett geblanst hott, vatt raus gezowwa bei di vatzla.

Lukas 1:13

Avvah da engel hott ksawt zu eem, “Feich dich nett, Zacharias, fa dei gebayt is keaht vadda, un dei fraw, di Elizabeth, zayld en kind havva funn diah un du solsht sei nohma Johannes haysa.

Lukas 1:20

Nau heich moll, du zaylsht shtill sei un kansht nimmi shvetza biss an di zeit vann dee sacha blatz nemma zayla. Dess is veil du mei vadda nett geglawbt hosht vo voah kumma zayla an di recht zeit.”

Lukas 1:36

Un heich moll, dei cousin, di Elizabeth, vo shund ald is, un vo kenn kinnah havva hott kenna, zayld aw en kind havva. See is shund in iahrem sexda moonet.

Johannes 16:21

En veibsmensh am en kind greeya hott angsht veil iahra zeit do is. Avvah vann's kind moll geboahra is, fagest see vass see deich gmacht hott, veil see so froh is es en kind in di veld geboahra is.

Johannes 7:30

No henn si vella een fesht nemma, avvah nimmand hott hend uf een glaykt veil sei zeit noch nett kumma voah.

Di Apostelgeschichte 7:17

No vo di zeit funn di fashpreching nayksht voah, es Gott kshvoahra katt hott zumm Abraham, sinn di leit als may un may vadda in Egypta,

Di Apostelgeschichte 7:20

An di do zeit voah da Mosi geboahra. Eah voah en shay kind un ohgnumma bei Gott. Eah voah drei moonet faseikt in seim faddah sei haus.

Galater 4:4

Vo avvah di zeit moll folfild voah, hott Gott sei Sohn kshikt, es geboahra voah funn en veibsmensh un unnich em Ksetz,

5. Mosi 34:5

Un da Mosi, em Hah sei gnecht, is kshtauva datt in Moab so vi da Hah ksawt katt hott.

Hebräer 9:27

So vi da mensh aymol shtauva muss, un noch sellem kumd's gericht,

1. Samuel 2:5

Selli es foll voahra fadinga sich naus fa broht, avvah selli es hungahrich voahra sinn nimmi hungahrich. Selli es unfruchtboah voah hott sivva kinnah geboahra, avvah selli mitt feel kinnah is am fazeahra.