Breddichah 3:13 - Pennsylvania Dutch Bible

¹³ un es alli-ebbah essa un drinka kann un frayt finna kann in sei eahvet—dess is en kshenk funn Gott.

Breddichah 3:13 ပူးပေါင်းရင်းမြစ်များ

Psalm 128:2

Du esht di frucht es dei hend kshaft henn difoah; du zaylsht froh sei un's zayld goot gay mitt diah.

Psalm 34:12

Veah is es es layva vill mitt frayt, un es feel goodi dawwa sayna vill?

Breddichah 2:24

Es besht ding es en mann du kann is fa essa un drinka un fa blesiah nemma in sei eahvet. Ich habb auskfunna es dee sacha funn Gott sei hand kumma,

Breddichah 2:3

Ich habb broviaht mich fraylich macha mitt vei un en goodi zeit havva, diveil es mei meind am veisheit sucha voah. Ich habb vella sayna vass goodes es mensha doon mitt di poah yoah es si unnich em himmel layva.

Breddichah 6:2

Gott macht en mensh reich un gebt eem feel sach so es eah alles hott es sei hatz havva vill, avvah Gott alawbt een nett's goot greeya difunn. In blatz funn sell grikt en fremdah's goot difunn. Awl dess is leah, gebt layva kenn mayning un is en grohs evil.

Breddichah 8:15

So glawb ich es da mensh blesiah havva sett in seim layva. Fa's is nix bessah unnich di sunn es fa essa un drinka un fraylich sei. No bleibt dess bei eem in sei eahvet deich awl di dawwa funn seim layva es Gott eem gebt unnich di sunn.

Breddichah 9:7

So gay un ess dei broht mitt frayt, un drink dei vei mitt en fraylich hatz, fa Gott hayst goot vass du dusht.

5. Mosi 12:7

Datt, fannich em Hah eiyah Gott sellet diah un eiyah families essa un eich froiya fa alles es diah unnah-gnumma hend es da Hah eich ksaykend hott drinn.

5. Mosi 26:11

Diah un di Lefiddah un di ausahra unnich eich sellet fraylich sei fa alles es da Hah eiyah Gott eich un eiyah haus-halding gevva hott.