Breddichah 3:10 - Pennsylvania Dutch Bible

¹⁰ Ich habb di eahvet ksenna es Gott mensha nunnah glawda hott mitt.

Breddichah 3:10 ပူးပေါင်းရင်းမြစ်များ

1. Mosi 3:19

Deich da shvitz funn deim ksicht solsht du dei ess-sach fadeena biss du viddah zu eaht draysht, veil du funn di eaht kumsht. Du bisht eaht, un solsht viddah eaht vadda.”

Breddichah 11:5

Grawt vi du nett da vayk fumm vind vaysht, adda vi di gnocha gmacht sinn in en muddahs-leib, so kansht du aw nett di verka funn Gott vissa, deah es alles macht.

Breddichah 2:26

Zumm mann es kfellich is zu Gott, gebt eah veisheit, fashtand un frayt, avvah zumm sindah gebt eah di eahvet fa sach zammah samla un ufshtoahra yusht so es eah's ivvah-gevva kann zu demm vo kfellich is zu Gott. Awl dess is unni mayning. Es is vi am broviahra da vind fanga.

1. Thessalonicher 2:9

Diah meindet noch, leevi breedah, vi miah kshaft henn un uns geblohkt henn; miah henn dawk un nacht kshaft so es miah kenn blohk voahra zu ennichs funn eich, diveil es miah's Effangaylium funn Gott gebreddicht henn zu eich.

2. Thessalonicher 3:8

Miah henn nimmand sei broht gessa unni's betzawla, avvah miah henn dawk un nacht kshaft un kseikt, so es miah kenn blohk voahra zu ennichs funn eich.