Breddichah 2:23 - Pennsylvania Dutch Bible

²³ Awl sei dawwa sinn foll shmatza, un sei eahvet is foll dreebsawl. Even nachts kann sei meind nett roowa. Dess is aw unni mayning.

Breddichah 2:23 ပူးပေါင်းရင်းမြစ်များ

1. Mosi 3:17

No zumm Adam hott eah ksawt, “Veil du abkeicht hosht zu di shtimm funn dei fraw, un hosht gessa fumm bohm es ich dich gebodda habb, ‘Du solsht nett essa difunn,’ faflucht is da grund deich dich, un deich hatt shaffa solsht du ess-sach greeya difunn dei layva lang.

1. Mosi 47:9

Da Jakob hott ksawt zumm Pharao, “Di yoahra es ich deich dess layva ganga binn sinn en hunnaht un dreisich. Vennich un unblasiahlich voahra di yoahra funn mei layva. Un ich habb nett so lang glaybt es mei foah-eldra henn diveil es si do deich's layva ganga sinn.”

Esther 6:1

Selli nacht hott da kaynich nett shlohfa kenna. No hott eah ksawt es es buch bei gebrocht sei soll vo di chroniks ufkshrivva sinn drinn funn alles es blatz gnumma hott in sei kaynich-reich. Dee voahra no glaysa gvest zu eem.

Hiob 14:1

“Da mensh es geboahra is funn en veibsmensh laybt en katzi zeit un is foll unroo.

Hiob 5:7

Doch en mann is geboahra fa druvvel, so shuah es di funka nuff-zuss fleeya.

Psalm 127:2

Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.

Psalm 32:4

Dawk un nacht voah dei hand shveah uf miah, mei graft voah ufgedrikkeld, vi in di hitz fumm summah. (Sela)

Psalm 90:15

Mach uns froh grawt so feel dawk es du uns dreebsawl gevva hosht, un so feel yoahra es miah druvvel katt henn.

Breddichah 1:13

Un ich habb miah foah-gnumma fa ausfinna un unnah-sucha deich veisheit alles es gedu vatt unnich em himmel. Es is en shveahrah lasht es Gott uf mensha glaykt hott.

Breddichah 1:18

Fa mitt feel veisheit, kumd feel dreebsawl; un deah es feel lanning grikt, muss feel leida.

Breddichah 2:11

Avvah vo ich zrikk gedenkt habb vass mei hend gedu henn, un vass ich so hatt kshaft habb fa du, dann voah alles unni mayning, so es vi broviahra fa da vind fanga; awl dess batt da mensh nix unnich di sunn.

Breddichah 5:12

Da shlohf is sees zu sellem es hatt shaft, eb eah bissel adda feel est, avvah's feel sach es da reich mann hott alawbt eem kenn shlohf.

Breddichah 5:17

Sei layva lang est eah im dunkla un dreebsawl, mitt feel aylenda, grankheit un zann.

Breddichah 8:16

Vo ich mei hatz ivvah-gevva habb fa veisheit fashtay un fa alles sayna es gedu vatt uf di eaht, un es leit nett shlohfa kenna dawk un nacht,

Daniel 6:18

Da kaynich is no in sei kaynich-haus ganga un hott di gans nacht kfasht unni shlohfa. Si henn eem kenn ess-sach gebrocht un henn een nett faveild mitt harfa un danses.

Di Apostelgeschichte 14:22

Si henn di yingah fagrefticht in iahra sayla un henn si famohnd fa ohhalda im glawva. Si henn eena ksawt, deich feel dreebsawl missa miah in's Reich-Gottes kumma.