Breddichah 2:22 - Pennsylvania Dutch Bible

²² So vass grikt en mann fa awl sei eahvet un ohhaldes es eah dutt un shaft unnich di sunn?

Breddichah 2:22 ပူးပေါင်းရင်းမြစ်များ

Psalm 127:2

Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.

Shpricha 16:26

En shaff-mann sei abeditt shaft fa een, sei hungah dreibt een on.

Breddichah 1:3

Vass goot dutt's da mann fa awl di eahvet es eah dutt, alles es eah shaft unnich di sunn?

Breddichah 2:11

Avvah vo ich zrikk gedenkt habb vass mei hend gedu henn, un vass ich so hatt kshaft habb fa du, dann voah alles unni mayning, so es vi broviahra fa da vind fanga; awl dess batt da mensh nix unnich di sunn.

Breddichah 3:9

Vass grikt da shaff-mann aus sei eahvet?

Breddichah 4:6

Avvah en hand-foll roo is bessah es zvay hend-foll eahvet es am broviahra sinn da vind fanga.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Breddichah 5:17

Sei layva lang est eah im dunkla un dreebsawl, mitt feel aylenda, grankheit un zann.

Breddichah 8:15

So glawb ich es da mensh blesiah havva sett in seim layva. Fa's is nix bessah unnich di sunn es fa essa un drinka un fraylich sei. No bleibt dess bei eem in sei eahvet deich awl di dawwa funn seim layva es Gott eem gebt unnich di sunn.

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Matthäus 6:11

Gebb uns heit unsah tayklich broht.

Matthäus 6:25

“Fasell sawk ich zu eich; diah sellet nett angsht havva veyyich eiyah layva, so veit es vass diah esset un drinket. Diah sellet aw nett angsht havva veyyich eiyah leib, so veit es vass diah veahret. Is nett eiyah layva may es ess-sach, un eiyah leib may es glaydah?

Matthäus 6:34

Fasell sella diah nett angsht havva veyyich meiya. Meiya gebt acht uf sich selvaht. Yaydah dawk hott genunk druvvel funn seim aykna.”

Lukas 12:22

Un eah hott sei yingah ksawt, “Fasell sawwich eich, hend nett angsht veyyich eiyah layva, veyyich vass diah essa zaylet, adda veyyich eiyah leib, vass diah ohdu zaylet.

Lukas 12:29

Un diah sellet nett uf eiyah meind havva vass diah essa zaylet adda vass diah drinka zaylet, un diah sellet aw nett engshtlich sei diveyya.

1. Korinther 16:16

Ich famohn eich es diah eich uf gevvet zu so leit, un zu awl selli vo sellah vayk helfa un shaffa.

Philipper 4:6

Seind nett engshtlich veyyich ennich ebbes, avvah in alles deich bayda un ohhalda, un deich dank gevva, losset eiyah noht vissa gmacht sei zu Gott.

1. Timotheus 6:8

Avvah vann miah ess-sach un glaydah henn dann sedda miah zufridda sei.

1. Petrus 5:7

Lawdet awl eiyah bekimmahnis uf een, fa eah gebt acht uf eich.