Breddichah 2:14 - Pennsylvania Dutch Bible

¹⁴ Da mann mitt veisheit hott awwa in seim kobb, avvah da unksheit mann lawft im dunkla; doch habb ich auskfunna, es es saym end kumd zu eena awl zvay.

Breddichah 2:14 ပူးပေါင်းရင်းမြစ်များ

Psalm 19:10

Si sinn may veaht es gold, even's feinsht gold. Si sinn seesah es hunnich, even pyuahrah hunnich.

Psalm 49:10

Ma kann sayna es even leit mitt veisheit shtauva, di dumma un unkshikta doon aw, un si missa awl iahra geld lossa fa anri.

Psalm 49:11

Iahra grawb is iahra haymet fa'immah, si voona datt fa'immah, even vann si iahra ayya land gaygend katt henn.

Shpricha 14:8

Ebbah es veisheit hott, hott di gawb fa da recht vayk gay, avvah unksheidi leit fafiahra sich selvaht un gayn letz.

Shpricha 17:24

En eisichtichah mann hald sei awwa uf veisheit, avvah em dumma sei awwa sinn uf em end funn di gans veld.

Breddichah 2:16

Da mann mitt veisheit, grawt vi da unksheit mann zayld glei fagessa vadda. Si vadda awl zvay fagessa in di dawwa vo kumma. Grawt vi sellah es unksheit is, so muss sellah mitt veisheit shtauva.

Breddichah 3:19

Es gayt mitt em mensh so vi's gayt mitt di diahra. So vi ayns doht gayt so dutt's anra aw shtauva. Si henn awl zvay da saym ohften. Da mensh hott nix ivvah di diahra, fa's layva hott kenn mayning fa yaydahs funn eena.

Breddichah 6:6

even vann eah zvay dausend yoah laybt un doch grikt nix goodes aus layva. Gayt nett alli-ebbah an da saym blatz?

Breddichah 6:8

Vass may hott en mensh mitt veisheit, es aynah unni veisheit? Vass helft's en oahmah mann fa vissa vi sich ohshikka fannich anri?

Breddichah 7:2

Es is bessah fa in en haus gay vo leit am veina sinn, es in en haus vo si am en grohs essa havva sinn, fa alli-ebbah muss shtauva, un di levendicha sedda dess zu hatz nemma.

Breddichah 8:1

Veah is vi da mensh mitt veisheit? Veah kann sacha auslayya? Veisheit macht en mann sei ksicht fraylich, un macht sei shteif ksicht vayyich.

Breddichah 9:11

Ich habb aw dess ksenna unnich di sunn: Selli es shteik shpringa doon nett immah beeda, un di shteika henn nett immah ivvah-hand im greek. Selli mitt veisheit henn nett immah ess-sach; di shmeahda sinn nett immah reich, un di glanda vadda nett immah bessah gyoost. Avvah di recht zeit un glikk dreft alli-ebbah.

Breddichah 9:16

So habb ich ksawt, “Veisheit is bessah es graft.” Avvah em oahma mensh sei veisheit vatt niddah gezayld un sei vadda sinn nett abkeicht.

1. Johannes 2:11

Avvah deah vo sei broodah hast, is im dunkla, lawft im dunkla un vayst nett vo eah am hee gay is, veil's dunkla sei awwa blind gmacht hott.