Breddichah 1:2 - Pennsylvania Dutch Bible

² “Nix in layva hott mayning, nix,” sawkt da Breddichah. “Goah nix hott mayning, alles is unni mayning.”

Breddichah 1:2 ပူးပေါင်းရင်းမြစ်များ

Hiob 11:12

En leah-kebbichah mensh kann grawt so vennich shmeaht vadda, es en mensh geboahra sei kann zu en vildah aysel.

Psalm 144:4

Da mensh is vi en ohften, sei dawwa sinn vi en shadda es fagayt.

Psalm 89:47

Denk droh vi katz es mei layva is, du hosht awl mensha kshaffa fa nix.

Breddichah 11:10

So nemm da angsht aus deim hatz, un du vekk vass diah shmatza gebt. Fa's is feel es ma nett fashtay kann vann ma yung is.

Breddichah 11:8

Es macht nix aus vi feel yoah es en mann laybt, eah soll fraylich sei in si awl. Avvah eah soll aw an di dunkla dawwa denka, fa si zayla feel sei. Alles es noch am kumma is kann nett fashtanna sei.

Breddichah 12:8

“Awl dess hott kenn mayning,” sawkt da Breddichah. “Nix in layva hott mayning.”

Breddichah 2:11

Avvah vo ich zrikk gedenkt habb vass mei hend gedu henn, un vass ich so hatt kshaft habb fa du, dann voah alles unni mayning, so es vi broviahra fa da vind fanga; awl dess batt da mensh nix unnich di sunn.

Breddichah 2:15

No habb ich gedenkt in meim hatz, “Es end fumm unksheida, zayld aw mei end sei. So vass dutt's miah goot fa veisheit havva?” No habb ich ksawt, “Dess is aw leah un unni mayning im layva.”

Breddichah 2:17

So habb ich layva kast, veil di eahvet es gedu is unnich di sunn miah yusht dreebsawl gebrocht hott. Alles is leah un unni mayning, es vi am broviahra da vind fanga.

Breddichah 2:19

Un veah vayst eb eah en mann is mitt veisheit addah dumheit? Doch zayld eah ivvah alles sei es ich hatt kshaft habb difoah mitt mei veisheit do unnich di sunn. Dess is aw gans leah un unni mayning.

Breddichah 2:21

veil en mann sei eahvet du kann mitt veisheit, fashtand un shiklichkeit un muss es no alles lossa zu ebbahm es nett kshaft hott difoah. Dess is aw unni mayning un is nett recht.

Breddichah 2:23

Awl sei dawwa sinn foll shmatza, un sei eahvet is foll dreebsawl. Even nachts kann sei meind nett roowa. Dess is aw unni mayning.

Breddichah 2:26

Zumm mann es kfellich is zu Gott, gebt eah veisheit, fashtand un frayt, avvah zumm sindah gebt eah di eahvet fa sach zammah samla un ufshtoahra yusht so es eah's ivvah-gevva kann zu demm vo kfellich is zu Gott. Awl dess is unni mayning. Es is vi am broviahra da vind fanga.

Breddichah 2:8

Ich habb silvah un gold ufksammeld fa mich selvaht, un's keshtlich sach funn kaynicha in anri lendah. Ich habb mansleit un veibsleit singah katt un feel nayva-veivah, dess vass en manskal blesiah gebt.

Breddichah 3:19

Es gayt mitt em mensh so vi's gayt mitt di diahra. So vi ayns doht gayt so dutt's anra aw shtauva. Si henn awl zvay da saym ohften. Da mensh hott nix ivvah di diahra, fa's layva hott kenn mayning fa yaydahs funn eena.

Breddichah 4:16

Es mecht kenn end sei zu di feel leit es en kaynich ivvvah-saynd, avvah di leit vo kumma noch eem zayla een nett eahra fa vass eah gedu hott. Dess is aw unni mayning, un is vi am broviahra da vind fanga.

Breddichah 4:4

Un ich habb awl di eahvet ksenna es leit doon so es si bessah sinn es iahra nochbah. Dess aw is leah un unni mayning, un am broviahra da vind fanga.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Breddichah 5:10

Veah-evvah es geld gleicht, hott nee nett genunk; veah-evvah es reich sei vill, vatt nee nett genunk betzawld. Dess hott aw kenn mayning.

Breddichah 6:11

Vi may vadda es ma sawkt, vi vennichah es si mayna, so is ma alsnoch nett bessah ab.

Römer 8:20

Fa dess vass kshaffa is, voah ivvah-gevva zu leahri sacha, nett bei iahra ayknah villa, avvah bei em villa funn demm vo's ivvah-gevva hott in hofning.