Breddichah 1:13 - Pennsylvania Dutch Bible

¹³ Un ich habb miah foah-gnumma fa ausfinna un unnah-sucha deich veisheit alles es gedu vatt unnich em himmel. Es is en shveahrah lasht es Gott uf mensha glaykt hott.

Breddichah 1:13 ပူးပေါင်းရင်းမြစ်များ

1. Mosi 3:19

Deich da shvitz funn deim ksicht solsht du dei ess-sach fadeena biss du viddah zu eaht draysht, veil du funn di eaht kumsht. Du bisht eaht, un solsht viddah eaht vadda.”

Hiob 28:3

Mennah nemma lichtah in di dunkla bletz; si sucha in di deefshta lechah fa keshtlichi shtay, drunna vo's oahrich dunkel is.

Psalm 111:2

Grohs sinn di verka fumm Hah; veah-evvah es si ivvah denkt, froit sich ivvah si.

Shpricha 18:1

En mann es sich laynich hald is yusht bekimmaht veyyich sich selvaht, un gayt geyyich alles es goot un recht is.

Shpricha 18:15

Di shmeaht meind grikt noch may lanning, un's oah mitt veisheit sucht eisicht.

Shpricha 23:26

Mei sohn, gebb miah dei hatz, un loss dei awwa sich froiya fa mei vayk halda,

Shpricha 25:2

Es is Gottes eah fa sacha zu gedekt halda, avvah's is kaynich-eah fa sacha aussucha.

Shpricha 4:7

Da ohfang funn di veisheit is dess: Grikk veisheit, es macht nix aus vass es dich kosht, grikk eisicht.

Breddichah 1:17

Ich habb miah foah-gnumma fa lanna veisheit fashtay, un aw dummi un leahri sacha, avvah ich habb auskfunna es dess aw is vi broviahra da vind fanga.

Breddichah 11:5

Grawt vi du nett da vayk fumm vind vaysht, adda vi di gnocha gmacht sinn in en muddahs-leib, so kansht du aw nett di verka funn Gott vissa, deah es alles macht.

Breddichah 12:12

Sei gvand, mei sohn, funn ennich ebbes may vi dee vadda. Es is kenn end zu vi feel bichah es gmacht vadda, un zu feel lannes kann dich ausveahra.

Breddichah 2:23

Awl sei dawwa sinn foll shmatza, un sei eahvet is foll dreebsawl. Even nachts kann sei meind nett roowa. Dess is aw unni mayning.

Breddichah 2:26

Zumm mann es kfellich is zu Gott, gebt eah veisheit, fashtand un frayt, avvah zumm sindah gebt eah di eahvet fa sach zammah samla un ufshtoahra yusht so es eah's ivvah-gevva kann zu demm vo kfellich is zu Gott. Awl dess is unni mayning. Es is vi am broviahra da vind fanga.

Breddichah 3:10

Ich habb di eahvet ksenna es Gott mensha nunnah glawda hott mitt.

Breddichah 3:11

Eah hott alles shaynes gmacht an di recht zeit. Eah hott aw di ayvichkeit in mensha iahra hatza ksetzt, avvah doch kann da mensh nett vissa vass Gott gedu hott fumm ohfang biss an's end.

Breddichah 4:4

Un ich habb awl di eahvet ksenna es leit doon so es si bessah sinn es iahra nochbah. Dess aw is leah un unni mayning, un am broviahra da vind fanga.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Breddichah 7:25

So havvich mei meind uf gmacht fa vissa, fa dess unnah-sucha un veisheit fashtay, un favass es sacha sinn vi si sinn; un aw fa fashtay vi dumm es ungerechtichkeit is, un vi unksheit dumheit is.

Breddichah 8:9

Ich habb awl dess ksenna un habb ivvah alles gedenkt es gedu vatt unnich di sunn. Es hott zeida vann en mann gvald nemd ivvah en anrah un dutt sich selvaht vay.

1. Timotheus 4:15

Sei shtandhaftich in dee sacha; gebb dich ab mitt'na, so es alli-ebbah sayna kann vi du am vaxa bisht.