Amos 8:9 - Pennsylvania Dutch Bible

⁹ “In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Amos 8:9 ပူးပေါင်းရင်းမြစ်များ

Hiob 5:14

Di dunkelheit kumd uf si deich da dawk; si feela iahra vayk in di mitt fumm dawk vi im dunkla.

Jesoiya 13:10

Awl di shtanna im himmel zayla iahra helling nett gevva. Di sunn es am uf kumma is vatt dunkel, un da moon zayld sei licht nett gevva.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Jeremia 15:9

Di maemm mitt sivva kinnah vatt shvach, 's gayt iahra hatt fa shnaufa. Iahra sunn is unnah ganga im hella dawk, see is fashohmd un gedaymeedicht vadda. Selli es ivvahrich sinn, vadda doht gmacht mitt en shvatt funn iahra feinda,” so sawkt da Hah.

Ezekiel 32:7

Vann ich dich umbring, dann dekk ich di himla zu, un mach di shtanna dunkel; ich dekk di sunn zu mitt en volk, un mach es da moon nett sheind.

Amos 4:13

Sellah es di berga un da vind macht, eah lost da mensh vissa vass eah im sinn hott, sellah es da meiya-roht zu dunkel drayt, un lawft in di hohcha bletz funn di eaht— eah hayst Gott, da Awlmechtich Hah.

Amos 5:8

Sellah es di free-yoah un shpoht-yoah shtanna gmacht hott, es es dunkla funn di nacht in da meiya macht, un es di helling funn dawk in di nacht macht; sellah es shikt fa's vassah fumm say, un leaht's ivvah di gans eaht— sei nohma is da Hah.

Micha 3:6

Fasell zayld di nacht ivvah eich kumma, un diah greeyet kenn visions, di finshtahnis kumd unni ennich voah-sawwes. Di sunn zayld unnah gay fa di brofayda, un da dawk vatt dunkel fa si.

Sacharia 14:7

Es zayld en dawk sei es bekand is zumm Hah—nett dawk un nett nacht. Vann ohvets kumd zayld's hell sei.

Matthäus 24:29

Un grawt noch di grohs dreebsawl funn selli zeit, ‘Vatt di sunn dunkel gmacht un da moon gebt sei helling nett. Di shtanna falla fumm Himmel un di grefticha fumm Himmel vadda kshiddeld.’

Matthäus 27:45

Nau funn zvelf oowah biss drei oowah voah's dunkel ivvah's gans land.

Markus 15:33

Un vo's middawk voah, voah's dunkel im gansa land biss drei oowah.

Lukas 23:44

Es voah nau baut di sext shtund, un's voah dunkel ivvah's gans land biss di neind shtund.

Di Offenbarung 6:12

Vo eah da sext seal uf gmacht hott, habb ich gegukt un's voah en grohsi eaht-bayben. Di sunn is shvatz vadda vi sakk-duch un da moon is vadda vi bloot.

Di Offenbarung 8:12

No hott da fiaht engel geblohsa, un en driddel funn di sunn is kshlauwa vadda, un en driddel fumm moon, un en driddel funn di shtanna. En driddel funn iahra lichtah voahra dunkel gmacht, so es en driddel fumm dawk dunkel voah, un aw en driddel funn di nacht.