Amos 8:7 - Pennsylvania Dutch Bible

⁷ Da Hah hott kshvoahra bei sich selvaht, deah es da Jakob so shtols is mitt, “Ich zayl nee nett fagessa vass si gedu henn.

Amos 8:7 ပူးပေါင်းရင်းမြစ်များ

Hiob 24:23

Eah lost si layva unni furcht, un si henn roo, avvah eah hald sei awwa uf iahra vayya.

Psalm 10:11

Da gottlohs mann sawkt zu sich selvaht, “Gott hott's fagessa; eah dekt sei ksicht zu un zayld's nee nett sayna.”

Psalm 47:4

Eah hott unsah eahbshaft raus glaysa fa uns, di hallichkeit fumm Jakob, deah vo eah leeb hott. (Sela)

Psalm 47:5

Gott is nuff ganga diveil di leit am greisha voahra mitt frayt. Diveil es di blohs-hanna geblohsa henn, is da Hah nuff ganga.

Psalm 68:34

Gevvet Gott di macht! Sei hallichkeit is ivvah Israel, un sei macht is in di volka.

2. Mosi 17:16

Eah hott ksawt, “Veil da Hah kshvoahra hott, dann zayld da Hah fechta geyyich da Amalek funn nohch-kummashaft zu nohch-kummashaft.”

Jesoiya 22:14

Da Awlmechtich Hah hott dess gvissa zu miah: “Dee do sind zayld nett fagevva sei so lang es si layva!” So sawkt da Hah, da Awlmechtich Hah.

Jesoiya 43:25

Ich, yau ich, binn sellah es eiyah ivvah-dreddes sauvah butza dutt fa mich selvaht; un ich denk nimmi an dei sinda.

Jeremia 17:1

“Juda iahra sind is nunnah kshrivva mitt en eisichah maysel, en shpitzichah diamond maysel es iahra sind in da shtay funn iahra hatz kakt hott, un uf di hanna funn iahra awldahra.

Jeremia 31:34

En mann zayld nimmi sei nochbah adda sei broodah lanna, un sawwa, ‘Lann da Hah kenna,’ fa si zayla mich awl kenna, fumm glenshta zumm grayshta,” sawkt da Hah, “veil ich iahra ungettlichkeit fagebb un nee nimmi an iahra sinda denk.”

Jeremia 44:21

“Veyyich em insens es diah gebrend hend in Juda un in di shtrohsa funn Jerusalem—diah un eiyah feddah, eiyah kaynicha un evvahshti un di leit im land—hott da Hah dess fagessa? Is nett awl dess in sei meind kumma?

Hosea 7:2

Avvah si denka nett droh es ich awl iahra ungettlichkeit meinda zayl. Iahra sinda sinn gans um si rumm, un si sinn immah fannich miah.

Hosea 8:13

Si macha feel opfahra zu miah un essa's flaysh, avvah si sinn em Hah nett kfellich. Nau zayld eah an iahra ungettlichkeit denka, un si shtrohfa fa iahra sinda; si zayla viddah zrikk zu Egypta gay.

Hosea 9:9

Di sacha es di leit doon sinn grauslich, grawt vi in di dawwa funn Gibea. Gott zayld iahra ungettlichkeit nett fagessa, un zayld si shtrohfa fa iahra sinda.

Amos 4:2

Gott da Hah hott kshvoahra bei sei heilichkeit: “Di zeit zayld kumma vann diah vekk gnumma vaddet mitt hohka, un vass ivvahrich is funn eich, mitt fish-hohka.

Amos 6:8

Gott da Hah hott kshvoahra bei sich selvaht—da Awlmechtich Gott, da Hah, sawkt: “Ich hass di hohchmoot fumm Jakob, un sei grohsi heisah aykla miah. Ich gebb di shtatt ivvah un alles es drinn is.”

Lukas 2:32

fa en licht so es di Heida fashtay kenna, un fa hallichkeit zu di Kinnah-Israel.”