Amos 6:9 - Pennsylvania Dutch Bible

⁹ Vann zeyya mennah ivvahrich sinn in en haus, dann zayla si shtauva.

Amos 6:9 ပူးပေါင်းရင်းမြစ်များ

Esther 5:11

No hott eah gebraekt zu eena veyyich sei feel geld, sei feel boova, un vi oft es da kaynich eem eah gevva hott, un een ovvich di anra evvahshti un hohchi gnechta ksetzt hott.

Esther 9:10

Dess voahra di zeyya boova fumm Haman, em Hammedatha sei boo, un di Yudda iahra feind. Avvah si henn iahra shtoft nett ohgraykt un's gnumma.

Hiob 1:19

Uf aymol is en mechtichah vind bei kumma aus di vildahnis un hott di fiah ekkah fumm haus kshtohsa. 'Sis zammah nunnah uf si kfalla un si sinn awl doht. Ich binn da aynsisht es vekk kumma is fa diah dess sawwa.”

Hiob 1:2

Eah hott sivva boova un drei mayt katt.

Hiob 20:28

Di sacha in seim haus vadda vekk gvesha, 's vassah funn Gott sei zann nemd's vekk.

Psalm 109:13

Loss sei nohch-kummashaft abkshnidda sei, loss sei kinds-kinnah iahra nohma ausgrivva sei in di zeit vo kumd.

Jesoiya 14:21

Rishtet en blatz fa sei kinnah shlachta; si missa shtauva fa di sinda funn iahra foah-feddah. Si daufa nett uf kohva vadda un's land eahva, un di eaht dekka mitt iahra shtett.

Jeremia 9:21

Da doht is deich unsah fenshtahra rei kumma, un is in unsah kaynich-heisah kumma; da doht hott di kinnah abkshnidda funn di shtrohsa, un di yunga mennah funn di market-bletz.

Amos 5:3

Dess is vass Gott da Hah sawkt: “Di shtatt es en dausend greeks-gnechta naus shikt, zayld yusht en hunnaht ivvahrich havva. Di shtatt es en hunnaht greeks-gnechta naus shikt, zayld yusht zeyya ivvahrich havva.”

1. Samuel 2:33

UN da mann funn dei leit es ich nett abshneida zayl funn meim awldah, zayld ivvahrich sei so es dei awwa blind vadda mitt awwa-vassah un dei hatz bedreebt vatt, un awl dei nohch-kummashaft zayld yung shteahva.