Amos 5:27 - Pennsylvania Dutch Bible

²⁷ Fasell loss ich eich vekk kfiaht vadda zu di annah seit funn Damascus,” sawkt da Hah, deah es Awlmechtich Gott hayst.

Amos 5:27 ပူးပေါင်းရင်းမြစ်များ

1. Kaynicha 14:15

Da Hah zayld Israel shlauwa so vi en shtengel kshiddeld is im vassah. Eah zayld Israel ausvatzla aus demm goot land es eah iahra foah-feddah gevva hott. Eah zayld si ausnannah shtroiya uf di annah seit fumm Revvah, veil si em Hah sei zann ufkshtatt henn bei Ashera-poshta macha.

2. Kaynicha 15:29

Diveil es da Pekah da kaynich funn Israel voah, is da Thiglath-Pileser, da kaynich funn Assyria, kumma un hott di shtett Ijon, Abel-Beth-Maacha, Janoah, Kedes, Hazor, Gilead un Galilaya ivvah-gnumma, un aw's gans land funn Naphthali. Eah hott awl di leit zrikk gnumma zu Assyria.

2. Kaynicha 17:23

biss da Hah si endlich vekk kshtohsa hott funn sei ksicht, so vi eah si gvand katt hott deich awl sei gnechta di brofayda. So voahra di leit funn Israel vekk gnumma funn iahra land un voahra an Assyria gnumma. Datt sinn si alsnoch heit.

2. Kaynicha 17:6

Im neinda yoah fumm Hosea sei reich hott da kaynich funn Assyria Samaria ivvah-gnumma un hott di Israeliddah vekk noch Assyria gnumma. Eah hott dayl in di shtatt Halah ksetzt, dayl in di shtatt Habor, dayl am Gosan Revvah nohch un aw dayl in di Medah leit iahra shtett.

Jeremia 38:17

No hott da Jeremia ksawt zumm kaynich, “Dess is vass Gott da Awlmechtich Hah, da Gott funn Israel, sawkt: ‘Vann du dich ivvah-draysht zu di evvahshti greeks-gnechta fumm kaynich funn Babylon, dann bleibsht du am layva, un dee shtatt zayld nett nunnah gebrend vadda; du un dei gansi family zaylet nett shtauva.

Amos 4:13

Sellah es di berga un da vind macht, eah lost da mensh vissa vass eah im sinn hott, sellah es da meiya-roht zu dunkel drayt, un lawft in di hohcha bletz funn di eaht— eah hayst Gott, da Awlmechtich Hah.

Amos 5:26

Diah hend dee gettah mitt eich gedrawwa— eiyah abgott-kaynich da Sikkuth, es gleichnis fumm Kiyun eiyah shtanna-gott— di sacha es diah gmacht hend fa eich selvaht.

Amos 6:1

Vay zu eich es unbekimmaht sinn in Zion, un zu selli es sich falossa uf da Berg Samaria, diah evvahshti mennah funn demm evvahsht land, es di Kinnah-Israel ditzu kumma!

Amos 6:7

Fasell zaylet diah di eahshta sei es kfanga vaddet un vekk kfiaht, un eiyah grohsi essa un rumm lumbes kumd zu en end.

Di Apostelgeschichte 7:43

Nay, diah hend da tent fumm Moloch, un di shtann funn eiyah gott Remphan ohgnumma. Diah hend iahra gleichnisa gmacht fa si ohbayda. Ich zayl eich nivvah du uf di annah seit Babylon.’