Amos 5:15 - Pennsylvania Dutch Bible

¹⁵ Hasset vass evil is, leevet vass goot is, gevvet leit vass iahra recht is in di courts. Fleicht vatt da Hah, da Awlmechtich Gott, gnaydich zu selli es ivvahrich sinn fumm Joseph.

Amos 5:15 ပူးပေါင်းရင်းမြစ်များ

2. Samuel 16:12

Fleicht saynd da Hah mei aylend un betzawld mich zrikk mitt goodes fa's fafluches es ich am greeya binn heit.”

1. Kaynicha 20:31

Sei gnechta sinn no zu eem ganga un henn ksawt, “Heich moll, miah henn keaht es di kaynicha fumm haus Israel bamhatzich sinn. Vella zumm kaynich funn Israel gay mitt sekk-glaydah um unsah beich rumm un shtrikka uf unsah kebb. Fleicht lost eah dich layva.”

2. Kaynicha 13:7

Es voah nix may ivvahrich fumm Joahas sei army es vi fuftzich geil-reidah, zeyya greeks-veyya un zeyya dausend foos greeks-gnechta. Da kaynich funn Syria hott si awl umgebrocht katt, un hott si gmacht vi shtawb an dreshes zeit.

2. Kaynicha 15:29

Diveil es da Pekah da kaynich funn Israel voah, is da Thiglath-Pileser, da kaynich funn Assyria, kumma un hott di shtett Ijon, Abel-Beth-Maacha, Janoah, Kedes, Hazor, Gilead un Galilaya ivvah-gnumma, un aw's gans land funn Naphthali. Eah hott awl di leit zrikk gnumma zu Assyria.

2. Kaynicha 19:4

Fleicht hott da Hah dei Gott di vadda keaht fumm Rabshake, deah es da kaynich funn Assyria kshikt hott fa da levendich Gott fashpodda. Un fleicht shtrohft eah een fa di vadda es da Hah dei Gott keaht hott. Fasell bayt fa selli funn unsah leit es noch ivvahrich sinn.”

Psalm 119:104

Ich fashtay sacha deich dei adnunga, fasell hass ich alli falshah vayk.

Psalm 34:14

Dray vekk funn evil un du goot, such fridda un gay fridda nohch.

Psalm 36:4

Si henn gottlohsi sacha im sinn diveil es si im bett sinn; si gayn naus uf en vayk es nett goot is, un si drayya evil nett nunnah.

Psalm 37:27

Dray fumm evila un du goot, no zaylsht du immah im land voona.

Psalm 80:1

Heich uns ab, oh Heedah funn Israel; du fiahsht da Joseph vi en drubb shohf. Du, es uf em kaynich-shtool hoksht zvishich di cherubim, shein naus,

Psalm 97:10

Diah es da Hah leeb hend, hasset evil; eah heet di sayla funn sei heilichi, eah hald si aus di kfoah funn di gottlohsa iahra hend.

2. Mosi 32:30

Da neksht dawk hott da Mosi ksawt zu di leit, “Diah hend en grohsi sind gedu. Avvah nau gayn ich nuff zumm Hah fa sayna eb ich ebbes ausshaffa kann mitt eem fa eiyah sinda fagevva.”

Jeremia 18:8

un's land es ich gvand habb sich drayt funn sei evil, no doon ich nett ausfiahra vass ich im sinn katt habb.

Jeremia 22:3

Dess is vass da Hah sawkt: Gevvet leit iahra recht un shaffet gerechtichkeit. Machet sellah es grawbt voah frei funn di macht funn sellah es eem letz gedu hott. Doond nix veeshtes adda unfashtendiches zu auslendah, zu selli unni eldra un zu di vitt-veivah; un doond nett unshuldich bloot fageesa in demm blatz.

Jeremia 31:7

Dess is vass da Hah sawkt: “Singet mitt frayt fa da Jakob; greishet fa's evvahsht land funn awl di lendah. Singet, gevvet dank un sawwet, ‘Oh Hah, helf dei leit, selli es ivvahrich sinn funn Israel.’

Ezekiel 45:9

Dess is vass da Awlmechtich Hah sawkt: Diah sind veit genunk ganga, diah feddahshti funn Israel! Doond vekk mitt eiyah veeshtah unfashtand un ivvah-dreddes, un doond vass recht un goot is. Heahret uf di heisah un's land vekk nemma funn mei leit, sawkt da Awlmechtich Hah.

Daniel 2:49

Da Daniel hott da kaynich no kfrohkt fa da Shadrach, da Meshach un da Abednego ivvah-saynah macha ivvah's landshaft funn Babylon. Avvah da Daniel is im kaynich sei richtah-doah geblivva.

Joel 2:14

Veah vayst eb eah sich nett drayt mitt bamhatzichkeit, un lost en sayya hinnich sich, so es diah shpeis-opfah un drink-opfah macha kennet zumm Hah eiyah Gott?

Amos 5:10

Diah hasset sellah es eich shtrohft in di richts-bletz, un aw sellah es di voahret sawkt.

Amos 5:24

Avvah losset sell vass recht is lawfa vi vassah, un gerechtichkeit vi en revvah es immah lawft!

Amos 5:6

Suchet da Hah, no zaylet diah layva, adda dann kumd eah ivvah's haus fumm Joseph vi en brennich feiyah; es fazeaht, un's is nimmand in Beth-El fa's ausmacha.

Amos 6:12

Kenna geil shpringa uf felsa? Kann ma datt bloowa mitt oxa? Avvah diah hend leit iahra recht fadrayt zu gift, un di frucht funn gerechtichkeit zu biddahri greidah.

Amos 7:3

Da Hah hott no mitt-leides katt, un da Awlmechtich Hah hott ksawt, “Dess soll nett blatz nemma.”

Jona 1:6

Da shiff foah-gengah is no zu eem ganga un hott ksawt, “Favass shlohfsht du? Shtay uf un roof dei Gott oh. Fleicht nemd eah acht funn uns so es miah nett umkumma.”

Jona 3:9

Fa veah vaysts, Gott mecht sei meind tshaynsha un sich vekk drayya funn seim vundahboahra zann, so es miah nett umkumma.”

Micha 2:12

Ich zayl geviss eich awl zammah fasamla, diah leit fumm Jakob; ich zayl geviss es ivvahricha funn Israel zammah bringa. Ich bring si zammah es vi shohf in en shtall, vi en drubb in di vayt. Deah blatz zayld yachtich sei mitt feel leit.

Micha 3:2

Diah hasset vass recht is un leevet evil, diah zeeyet di haut ab funn mei leit, un reiset's flaysh funn iahra gnocha.

Micha 5:3

Fasell zayld eah Israel ufgevva zu iahra feinda, biss di fraw es am en kind havva is, iahra kind hott. No zayla di ivvahricha funn sei breedah viddah zrikk zu di Kinnah-Israel kumma.

Zephania 2:3

Suchet fa da Hah, diah daymeedichi im land, diah es sei gebodda haldet. Suchet gerechtichkeit, suchet daymoot, fleicht vaddet diah fafayld uf da dawk fumm Hah sei zann.

Maleachi 3:18

Diah zaylet no viddah sayna vass fa en unnahshitt es es is zvishich di gerechta un ungerechta, zvishich selli es Gott deena un selli es nett doon.”

Römer 12:9

Di leevi soll nett falsh sei. Hasset vass evil is; henket oh zumm gooda.

Römer 7:22

Ich habb grohsi frayt im Ksetz funn Gott in meim innahlichah mensh.

Römer 8:7

Di meind vo uf flayshlichi sacha ksetzt is shaft geyyich Gott, veil see sich nett unnich's Ksetz funn Gott gebt, un see kann aw nett so du.

3. Johannes 1:11

Mei leeblichi, gaynd nett sellem nohch vass evil is, avvah sellem vass goot is. Deah vo dutt vass goot is, is funn Gott; deah vo dutt vass evil is, hott Gott nett ksenna.