Amos 3:8 - Pennsylvania Dutch Bible

⁸ Da layb hott groaht— veah feicht sich nett? Gott da Hah hott kshvetzt— veah kann halda funn broffetzeiya?

Amos 3:8 ပူးပေါင်းရင်းမြစ်များ

Jesoiya 21:10

Oh mei leit, es famawla sinn uf em dresha-floah, sell vass ich keaht habb fumm Awlmechtich Hah, funn Israel iahra Gott, sell sawk ich eich.

Jesoiya 31:4

Dess is vass da Hah ksawt hott zu miah: Vi en layb adda en yungah layb gnatt ivvah vass eah kfanga hott, un vann en gansi drubb shohf-heedah greisha ivvah een, feicht eah sich nett veyyich iahra shtimma, adda veyyich iahra yacht— so zayld da Awlmechtich Hah runnah kumma, un zayld greek macha uf em Berg Zion, un uf sei hivvel.

Jeremia 20:9

Avvah vann ich sawk, “Ich zayl nimmi an een denka, adda in seim nohma shvetza,” dann is sei vatt vi en feiyah in meim hatz, vi en feiyah eikshpatt in mei gnocha. Ich va gans matt funn's zrikk hayva, un ich kann's yusht nett du.

Jeremia 26:12

No hott da Jeremia ksawt zu di evvahshti un awl di leit: “Da Hah hott mich kshikt fa awl di sacha broffetzeiya geyyich dess haus un dee shtatt es diah keaht henn.

Ezekiel 29:21

Vann sell moll blatz nemd dann mach ich Israel viddah shteik vi en oxa hann, un mach dei maul uf unnich eena. No vissa si es ich da Hah binn.”

Amos 1:2

Eah hott ksawt: “Da Hah roaht aus Zion un lost sei shtimm heahra aus Jerusalem; di shohf-heedah iahra vayt-feldah drikla uf, un's graws uf em Berg Karmel drayt brau.”

Amos 2:12

“Avvah diah hend di Nazaraynah gmacht vei drinka, un hend di brofayda gebodda gevva fa nett broffetzeiya.

Amos 3:4

Dutt en layb roahra im bush vann eah nix hott fa doht macha? Dutt en yungah layb gnarra vann eah nix kfanga hott?

Di Apostelgeschichte 4:20

Miah kenna yusht nett shtill sei, un nett shvetza veyyich di sacha es miah ksenna un keaht henn.”

Di Apostelgeschichte 5:20

“Gaynd un shtaynd in da tempel un sawwet di leit awl di vadda veyyich demm layva.”

Di Apostelgeschichte 5:29

Da Petrus un di anra aposhtla henn andvat gevva un henn ksawt, “Miah missa Gott may heicha es vi mensha.

1. Korinther 9:16

Avvah vann ich's Effangaylium breddich, havvich nix zu braekka diveyya, fa di noht is uf mich glaykt. Un vay zu miah vann ich nett's Effangaylium breddich.

Di Offenbarung 5:5

No hott ayns funn di eldishti zu miah ksawt, “Heah uf heila. Gukk moll, da layb, deah vo funn di kshlecht fumm Juda, un di nohch-kummashaft fumm Dawfit is, eah is alles ivvah-kumma. Eah kann's buch uf macha un di sivva seals brecha.”