Amos 2:15 - Pennsylvania Dutch Bible

¹⁵ Da mann mitt em bow kann sei grund nett hayva, da greeks-mann es shteik shpringa kann kumd nett vekk un da gaul-reidah bleibt nett levendich.

Amos 2:15 ပူးပေါင်းရင်းမြစ်များ

Breddichah 9:11

Ich habb aw dess ksenna unnich di sunn: Selli es shteik shpringa doon nett immah beeda, un di shteika henn nett immah ivvah-hand im greek. Selli mitt veisheit henn nett immah ess-sach; di shmeahda sinn nett immah reich, un di glanda vadda nett immah bessah gyoost. Avvah di recht zeit un glikk dreft alli-ebbah.

Jesoiya 31:3

Di Egyptah sinn yusht mensha un nett Gott, iahra geil sinn yusht flaysh un nett geisht. Vann da Hah sei hand naus shtrekt, dann shtolbahra selli es helfa, un aw selli es kolfa sinn zayla falla. Si kumma awl zvay zu iahra end.

Jeremia 51:56

Di feinda sinn kumma Babylon faveeshta, iahra greeks-gnechta vadda kfanga gnumma, un iahra bows vadda fabrocha. Fa da Hah is en Gott es zrikk betzawld, un eah zayld folshtendich zrikk betzawla.

Ezekiel 39:3

No shlakk ich dei bow aus dei lingsi hand, un mach dei arrows aus dei rechtsi hand falla.

Amos 9:1

Ich habb da Hah ksenna beim awldah shtay, un eah hott ksawt: “Shlakk di tempel poshta so es di mavvahra shidla. Fabrech di poshta so es si uf di leit iahra kebb falla; selli es ivvahrich sinn mach ich doht mitt em shvatt. Nimmand kann fatt shpringa, nimmand kumd vekk.

Haggai 2:22

Ich zayl di kaynich-shteel funn kaynich-reicha ivvah-drayya un di macht funn di heida iahra kaynich-reicha nunnah reisa. Ich shmeis di greeks-veyya un iahra mennah um, di geil-reidah un iahra geil zayla falla, un si macha nannah doht mitt em shvatt.

Sacharia 10:5

Si zayla sei vi mechtichi mennah im greek, un shtamba di feinda in da drekk funn di shtrohs. Veil da Hah bei eena is, doon si fechta, un fashohma selli vo geil reida.