Amos 1:12 - Pennsylvania Dutch Bible

¹² dann shikk ich feiyah uf di shtatt Theman, un fabrenn di greeks-heisah funn Bozra.”

Amos 1:12 ပူးပေါင်းရင်းမြစ်များ

1. Mosi 36:11

Un di boova fumm Eliphas voahra da Theman, da Omar, da Zepho, da Gaetham un da Kenas.

1. Mosi 36:33

Vo da Bela kshtauva is, is da Jobab funn Bozra, em Serah sei boo kaynich vadda.

1. Chronik 1:44

Vo da Bela kshtauva is, is da Jobab, em Serah sei boo funn Bozra, kaynich vadda an seim blatz.

Jesoiya 34:5

Mei shvatt is satt funn drinka in di himla, nau gukket, es kumd runnah fa Edom richta, di leit es ich ausgmacht habb fa ausreiva.

Jesoiya 34:6

Es shvatt fumm Hah is foll bloot, un is satt funn fett, fumm bloot funn lemmah un gays, fumm niahra-fett funn shohf-bekk. Fa da Hah macht en opfah in Bozra un en grohsi shlacht in Edom.

Jesoiya 63:1

Veah is dess es am kumma is funn Edom, funn Bozra, mitt sei rohdi glaydah? Veah is dess mitt feini glaydah, am fassich dredda mitt grohsi graft un gvald? “Es is mich, sellah es shvetzt in gerechtichkeit, un es mechtich is fa helfa.”

Jeremia 49:13

Ich habb kshvoahra bei miah selvaht,” sawkt da Hah, “es di shtatt Bozra fadauva gay zayld. See vatt grausam, en leahrah blatz, en fluch un awl di shtett um see rumm vadda ayvichlich faveesht.”

Jeremia 49:20

Fasell, heichet vass da Hah auskshaft hott geyyich Edom, vass eah im sinn hott fa du geyyich selli es in Theman voona: Even iahra glenna shiblen vadda vekk kshlayft, un iahra vayt-land vatt leah deich si.

Jeremia 49:22

Gukk moll, aynah zayld in di hay gay, un zayld nunnah fleeya vi en awdlah; eah zayld sei flikkel naus shtrekka ivvah Bozra. In sellem dawk, zayla di hatza funn Edom iahra greeks-gnechta sei vi en veibsmensh am en kind havva.

Jeremia 49:7

Veyyich Edom: Dess is vass da Awlmechtich Hah sawkt: “Hott's kenn veisheit may in Theman? Is da roht faloahra ganga unnich di shmeahda? Is iahra veisheit fafauld?

Ezekiel 25:13

dann dess is vass da Awlmechtich Hah sawkt: Ich zayl mei hand naus shtrekka geyyich Edom un iahra mennah un diahra doht macha. Ich faveesht's land un funn Theman biss an Dedan zayla si umkumma deich's shvatt.

Obadia 1:1

Em Obadia sei vision. Dess is vass Gott da Hah sawkt veyyich Edom: Miah henn keaht fumm Hah, es en zeiya-drawwah naus unnich di heida kshikt voah, fa sawwa, “Rishtet eich, miah vella geyyich Edom gay fa greek macha.”

Habakuk 3:3

Gott is funn Theman kumma, un Sellah es Heilich is fumm Berg Pharan. (Sela) Sei hallichkeit fild di himla, un sei lohb fild di eaht.