5. Mosi 7:18 - Pennsylvania Dutch Bible

¹⁸ Avvah feichet eich nett veyyich eena. Denket zrikk an vass da Hah eiyah Gott gedu hott zumm Pharao un gans Egypta.

5. Mosi 7:18 ပူးပေါင်းရင်းမြစ်များ

Psalm 105:5

Denket an di vundahboahra verka es eah gedu hott, an sei zaycha un's richtes funn seim maul,

Psalm 77:11

Avvah ich zayl an di kshefta fumm Hah denka, yau, ich denk an dei vundahra funn lang zrikk.

Psalm 77:12

Ich zayl ivvah awl dei verka denka, un zayl zrikk denka an awl dei kshefta.

Psalm 78:11

Si henn fagessa vass eah gedu katt hott, un sei zaycha es eah eena gvissa katt hott.

4. Mosi 13:9

fumm shtamm Benjamin, da Palti, em Raphu sei boo;

4. Mosi 21:34

Da Hah hott ksawt zumm Mosi, “Feich dich nett veyyich em Kaynich Og. Ich habb een ivvah-gedrayt zu diah mitt sei gansi army un sei land. Du mitt eem vi du hosht mitt em Kaynich Sihon funn di Amoriddah es kaynich voah an Hesbon.”

5. Mosi 1:21

Gukket moll, da Hah eiyah Gott hott's land fannich eich ksetzt; gaynd un nemmet's, so vi da Hah, da Gott funn eiyah feddah, eich ksawt hott. Feichet eich nett un seind nett engshtlich.”

5. Mosi 1:29

No habb ich ksawt zu eich, “Seind nett engshtlich un feichet eich nett veyyich eena.

5. Mosi 1:30

Da Hah eiyah Gott, es fannich eich heah gayt, zayld fechta fa eich, grawt vi eah hott fa eich in Egypta fannich eiyah aykni awwa,

5. Mosi 20:1

Vann diah in da greek gaynd geyyich eiyah feinda, un diah saynet feel geil un greeks-veyya un may greeks-leit es diah hend, feichet eich nett veyyich eena. Fa da Hah eiyah Gott es eich ruff aus Egypta gebrocht hott zayld bei eich sei.

5. Mosi 3:6

Miah henn awl dee shtett nunnah grissa so vi miah gedu katt henn mitt em Sihon da kaynich funn Hesbon. Miah henn awl di mansleit, di veibsleit un di kinnah umgebrocht.

5. Mosi 31:5

Da Hah zayld si ivvah-drayya zu eich, un diah misset alles du zu eena es ich eich gebodda habb.

5. Mosi 31:6

Seind shteik un feichet eich nett. Seind nett engshtlich un feichet eich nett veyyich eena, veil da Hah eiyah Gott mitt eich gayt. Eah nemd sei hilf nee nett vekk funn eich un dutt eich nett falossa.”

Joshua 8:1

Da Hah hott no ksawt zumm Joshua, “Feich dich nett un sei nett engshtlich. Nemm awl dei greeks-leit mitt diah, un gaynd nuff an Ai. Ich habb da kaynich funn Ai, sei leit, di shtatt un sei gans land in dei hand gevvah.

Richtah 6:13

Avvah da Gideon hott ksawt, “Mei meishtah, vann da Hah bei uns is, favass is awl deah druvvel uf uns kumma? Vo sinn awl sei vundahboahri sacha es unsah foah-feddah fazayld henn diveyya vo si ksawt henn, ‘Hott nett da Hah uns ruff aus Egypta gebrocht?’ Avvah nau hott da Hah uns falossa, un hott uns unnich di hend funn di Midianiddah gevva.”