5. Mosi 7:1 - Pennsylvania Dutch Bible

¹ Vann da Hah eiyah Gott eich in's land bringd es diah am nei gay sind fa's ivvah-nemma, un dreibt raus fannich eich feel heida-leit, naymlich—di Hethiddah, di Girgasiddah, di Amoriddah, di Kanaaniddah, di Perisiddah, di Heffiddah un di Jebusiddah, sivva heida-leit es shteikah sinn es diah—

5. Mosi 7:1 ပူးပေါင်းရင်းမြစ်များ

1. Kaynicha 16:31

Es voah nett genunk zu eem fa di sinda du es da Jerobeam, em Nebat sei boo, gedu hott, avvah eah is aw ganga un hott di Jesebel keiyaht. See voah em Ethbaal sei maydel, un eah voah da kaynich funn Sidon. No hott da Ahab ohkfanga da Baal deena un hott een ohgebayda.

1. Chronik 1:14

Da Kanaan voah aw da faddah funn dee leit: di Jebusiddah, di Amoriddah, di Girgasiddah,

2. Chronik 8:7

Awl di leit es ivvahrich voahra funn di Hethiddah, di Amoriddah, di Pheresiddah, di Heffiddah un di Jebusiddah—dee es nett Israeliddah voahra,

Ezra 9:1

Noch demm es dee sacha gedu voahra, sinn di evvahshti zu miah kumma un henn ksawt, “Di leit funn Israel, un aw di preeshtah un Lefiddah, henn sich nett fadayld kalda funn di leit im land mitt iahra grausami sacha es si doon, so sacha vi di Kanaaniddah, di Hethiddah, di Perisiddah, di Jebusiddah, di Ammoniddah, di Moabiddah, di Egyptah un di Amoriddah doon.

Nehemia 13:23

In selli dawwa habb ich aw ksenna es di Yudda ausahri veibsleit keiyaht katt henn funn Asdod, Ammon un Moab.

Psalm 78:55

Eah hott's folk in di lendah raus gedrivva fannich eena, un hott di lendah fadayld zu eena fa en eahbshaft; eah hott di shtamma funn Israel in iahra haymeda voona glost.

2. Mosi 15:7

Un in dei grohsi hallichkeit, hosht du selli kshtatzt es ufkshtanna sinn geyyich dich. In dei gleedichah zann, hosht du si ufgebrend vi shtubla.

2. Mosi 23:28

Ich shikk hann-aysla fannich diah heah, un si yawwa di Heffiddah, di Kanaaniddah un di Hethiddah aus fannich diah.

2. Mosi 23:32

Du solsht kenn bund macha mitt eena adda mitt iahra gettah.

2. Mosi 23:33

Du solsht si nett in dei land layva lossa adda si macha dich sindicha geyyich mich. Vann du iahra abgettah deensht, dann vasht du kfanga in iahra fall.”

2. Mosi 33:2

Ich shikk en engel fannich diah heah un dreib aus di Kanaaniddah, di Amoriddah, di Hethiddah, di Pheresiddah, di Heffiddah un di Jebusiddah.

2. Mosi 6:8

Ich zayl eich in's land bringa es ich kshvoahra habb fa gevva zumm Abraham, em Isaac un em Jakob, un ich gebb's zu eich es diah's aykna doond. Ich binn da Hah.’”

3. Mosi 14:34

“Vann diah in's land funn Kanaan kummet es ich eich gebb fa eiyah sei, un ich du en grohtz es vaxt in en haus im land,

4. Mosi 13:29

Di Amalekiddah voona im sauda-land, di Hethiddah, di Jebusiddah un di Amoriddah voona im hivvel-land, un di Kanaaniddah voona nayksht am say un am Jordan Revvah nohch.”

4. Mosi 14:31

Avvah eiyah kinnah es diah ksawt hend es eich kshtohla vadda zayla, ich zayl si in's land bringa es diah nunnah gedrayt hend, un si zayla fraylich sei drinn.

Di Apostelgeschichte 13:19

Un vo eah sivva lendah funn di heida ivvah-kshmissa katt hott aus em land Kanaan, hott eah mitt em lohs dess land fadayld zu eena.

5. Mosi 11:29

Vann da Hah eiyah Gott eich moll in's land nei gebrocht hott es diah am nei gay sind fa's ivvah-nemma, dann sellet diah da sayya ausgevva uf em Berg Gerizim, un da fluch uf em Berg Ebal.

5. Mosi 20:1

Vann diah in da greek gaynd geyyich eiyah feinda, un diah saynet feel geil un greeks-veyya un may greeks-leit es diah hend, feichet eich nett veyyich eena. Fa da Hah eiyah Gott es eich ruff aus Egypta gebrocht hott zayld bei eich sei.

5. Mosi 20:16

Avvah in di shtett funn di leit es da Hah eiyah Gott am eich gevva is fa en eahbshaft, datt drinn sellet diah nix levendich lossa es shnauft.

5. Mosi 31:20

Vann ich si moll nei in's land gebrocht habb es lawft mitt millich un hunnich, dess vass ich kshvoahra habb fa gevva zu iahra foah-feddah, un si essa sich satt un vadda fett, no drayya si zu anri gettah un deena si. Si zayla mich nunnah drayya un mei bund nimmi halda.

5. Mosi 31:3

Da Hah eiyah Gott selvaht zayld drivvah nivvah gay fannich eich heah. Eah zayld selli heida nunnah shlauwa fannich eich un diah zaylet iahra lendah ivvah-nemma. Da Joshua gayt aw drivvah nivvah fannich eich heah, vi da Hah ksawt hott.

5. Mosi 4:38

so es eah di heida, es graysah un mechtichah sinn es diah, ausdreiva kann fannich eich, un eich in's land bringa kann, un's zu eich gevva fa en eahbshaft, so vi's is heit.

5. Mosi 6:1

Nau dess sinn di gebodda, di ksetza un di adnunga es da Hah eiyah Gott mich gebodda hott fa eich lanna, so es diah si haldet im land es diah nei gaynd fa's ivvah-nemma,

5. Mosi 6:10

Vann da Hah eiyah Gott eich in's land bringd es eah kshvoahra hott zu eiyah foah-feddah, da Abraham, da Isaac un da Jakob fa's zu eich gevva—en land mitt grohsi un shayni shtett es diah nett gebaut hend,

5. Mosi 6:19

Eah dutt dess bei awl eiyah feinda ausdreiva fannich eich, vi da Hah fashprocha hott.

5. Mosi 6:23

Eah hott uns datt raus gebrocht so es eah uns nei bringa kann, un es eah uns es land gevva kann es eah kshvoahra hott zu unsah foah-feddah.

5. Mosi 9:1

Heichet oh, leit funn Israel, diah zaylet heit ivvah da Jordan nivvah gay, fa nei in's land gay un's folk ivvah-nemma es graysah un shteikah is es diah sind. Si henn shtett es mavvahra henn es nuff langa an da himmel.

5. Mosi 9:3

Avvah diah sellet heit vissa es da Hah eiyah Gott fannich eich heah drivvah nivvah gay zayld vi en fazeahrich feiyah. Eah zayld si umbringa un si nunnah shlauwa fannich eich, so es diah si kshvind ausdreiva un ausbutza kennet vi da Hah eich fashprocha hott.

5. Mosi 9:4

Noch demm es da Hah eiyah Gott si ausgedrivva hott fannich eich, sawwet nett zu eich selvaht, “Da Hah hott mich do heah gebrocht fa's land ivvah-nemma veil ich so gerecht binn.” Nay, 's is veil dess folk so gottlohs is es da Hah si raus dreiva zayld fannich eich.

Joshua 11:3

Un di Kanaaniddah uf di east un di west henn aw vatt grikt, un so henn di Amoriddah, di Hethiddah, di Perisiddah un di Jebusiddah in di hivla, un di Heffiddah am Berg Hermon in di nochbahshaft funn Mizpa.

Joshua 24:11

No sind diah ivvah da Jordan rivvah kumma an Jericho. Di leit funn Jericho henn kfochta geyyich eich, un so henn di Amoriddah, di Pheresiddah, di Kanaaniddah, di Hethiddah, di Girgasiddah, di Heffiddah, un di Jebusiddah. Avvah ich habb si awl in eiyah hend gevva.

Joshua 3:10

Da Joshua hott veidah ksawt, “Dess is vi diah visset es da levendich Gott unnich eich is un es eah gevislich di Kanaaniddah, di Hethiddah, di Heffiddah, di Pheresiddah, di Girgasiddah, di Amoriddah un di Jebusiddah awl ausdreiva zayld fannich eich.