5. Mosi 5:12 - Pennsylvania Dutch Bible

¹² Haldet da Sabbat-Dawk un haldet 'n heilich, so vi da Hah eiyah Gott eich gebodda hott.

5. Mosi 5:12 ပူးပေါင်းရင်းမြစ်များ

Nehemia 13:15

In selli dawwa habb ich mennah ksenna an di vei-pressa shaffa uf em Sabbat-Dawk. Un ich habb anri ksenna iahra aysla lawda mitt frucht, vei, drauva, feiya un alli sadda anna sach. Si voahra am awl dess sach rei in Jerusalem bringa uf em Sabbat-Dawk. So habb ich si gvand geyyich ess-sach fakawfa uf sellah dawk.

2. Mosi 16:23

No hott eah ksawt zu eena, “Dess is vass da Hah gebodda hott, ‘Meiya is da Sabbat-Dawk, en heilichah roo-dawk zumm Hah. So bakket vass diah bakka vellet, un kochet vass diah kocha vellet, un vass ivvahrich is, haldet's biss meiya.’”

2. Mosi 16:30

No henn di leit groot uf em sivvada dawk.

2. Mosi 31:13

“Shvetz zu di Kinnah-Israel un sawk eena, ‘Diah misset mei Sabbat-Dawk halda. Dess is en zaycha zvishich miah un eich un eiyah nohch-kummashaft, so es diah visset es ich eiyah Hah binn, deah vo eich heilich macht.

2. Mosi 31:15

Sex dawk sella diah shaffa, avvah uf em sivvada dawk sella diah roowa. Deah dawk is heilich zumm Hah. Ennich ebbah es shaft uf em Sabbat-Dawk muss doht gmacht sei.

Jesoiya 56:6

Un auslendah es sich zumm Hah binna fa een deena, fa em Hah sei nohma leeb havva, un fa sei gnechta sei, un selli es da Sabbat halda unni en unheilich macha, un es mei bund halda,

Jesoiya 58:13

“Vann diah eiyah fees haldet fumm Sabbat-Dawk brecha, un nett doond vass eich kfald uf meim heilicha dawk, vann diah da Sabbat nemmet es en dawk funn frayt, un em Hah sei heilichah dawk eahret, vann diah da dawk eahret bei eiyah aykni sacha ufgevva, un nett doond vi diah vellet, adda leahri kshvetzah macha,

Jeremia 17:22

Bringet nett en loht aus eiyah heisah un doond kenn eahvet uf em Sabbat-Dawk. Haldet da Sabbat-Dawk heilich, vi ich eiyah foah-feddah gebodda habb.

Markus 2:27

Un Jesus hott ksawt zu eena, “Da Sabbat voah gmacht gvest fa mensha un nett mensha fa da Sabbat.

5. Mosi 5:13

Sex dawk sellet diah shaffa un awl eiyah eahvet du,